સાબરમતી પરિમલ વિદ્યાલયના વિદ્યાર્થીઓ વચ્ચે મારામારી: બહેનને હેરાન કરતા વિદ્યાર્થીને લઈ વિવાદ

અમદાવાદ,તા.1 જુલાઈ 2022,શુક્રવારસાબરમતી ડી કેબીન પાસેની પરિમલ વિદ્યાલયના વિદ્યાર્થીઓ વચ્ચે ગુરુવારે બપોરે મારામારીની ઘટના બની હતી. બહેનને હેરાન કરતા વિદ્યાર્થીને ભાઈએ સમજાવવાનો પ્રયાસ કરતા તકરાર થઈ હતી.આ બનાવ અંગે સાબરમતી અને ચાંદખેડા પોલીસ સ્ટેશનમાં બન્ને પક્ષે ફરિયાદ થઈ હતી. ચાંદખેડામાં ધરતી બંગલો પાસે બહેન સાથે ટુવ્હીલર પર જતાં વિદ્યાર્થીઓને શાળાના વિદ્યાર્થી અને તેના પિતાએ મારમાર્યાની ફરિયાદ થઈ હતી. બનાવની વિગતો મુજબ પરિમલ વિદ્યાલયમાં અભ્યાસ કરતી વિધ્યાર્થીનીએ અન્ય સ્કૂલનો વિદ્યાર્થી હેરાન કરતો હોવાની ફરિયાદ શાળામાં ભણતા ભાઈને ફરિયાદ કરી હતી. બહેનને હેરાન કરતા વિદ્યાર્થીને ભાઈએ ઠપકો આપતા તેઓ વચ્ચે મારામારી થઈ હતી. આ બાબતે સાબરમતી પોલીસ સ્ટેશનમાં વિદ્યાર્થીઓ સહિત 6 જેટલા લોકો સામે ફરિયાદ થઈ છે. બીજી તરફ બહેન સાથે બે ભાઈઓ સ્કૂલેથી બાઈક પર પરત ફરતા હતા. તે સમયે સગીરાને હેરાન કરતો વિદ્યાર્થી અને તેના પિતાએ બાઈક રોકી હુમલો કર્યો હતો. જેમાં સગીરા અને તેના બન્ને ભાઈઓને મારમારવામાં આવ્યાની ફરિયાદ ચાંદખેડા પોલીસ સ્ટેશનમાં નોંધાઈ છે.

આ પ્રકારના તમામ સમાચાર માટેે App ડાઉનલોડ કરો.