સુભાષબ્રિજ પાસેના કાર્યશિલ્પ ફ્લેટમાં પાળતું કૂતરા મુદ્દે રહીશો વચ્ચે મારામારી

અમદાવાદ,તા.10 ઓગષ્ટ 2022,બુધવારસુભાષબ્રિજ પાસે કાર્યશિલ્પ એપાર્ટમેન્ટમાં પાળતું ડોગ મુદ્દે સોસાયટીમાં રહેતા ટ્રાન્સપોર્ટર અને ચિત્રકાર વચ્ચે મારામારીની ઘટના થઈ હતી. બન્ને પક્ષે ઇજાઓ થતા બે જણને સારવાર માટે સિવિલ હોસ્પિટલમાં દાખલ કર્યા હતા. રાણીપ પોલીસે બન્ને પક્ષોની ફરિયાદ આધારે ગુનો નોંધી તપાસ હાથ ધરી છે. અજય કૃષ્ણભાણસિંહ રાજપુતે મનીષ હરિરામ ઠાકુર વિરુદ્ધ ફરિયાદ કરી છે. જે મુજબ સોસાયટીમાં અગાઉ કૂતરા રાખવા મુદ્દે અજય અને મનીષ વચ્ચે બોલાચાલી થઈ હતી. જે મુદ્દે અદાવત કરી મનીષ ઠાકુરે ફરિયાદી પર હુમલો કરી પગ મરડી નાખી ઇજાઓ કરી તેમજ અપશબ્દો બોલી મારામારી કરી હતી. ચિત્રકાર મનીષ ઠાકુરે અજય રાજપૂત વિરુદ્ધ કરેલી ફરિયાદ મુજબ અજય તેના પાળતું ડોગથી ફરિયાદીના પુત્રને ડરાવતો હતો. આ મુદ્દે સોસાયટીમાંથી ફોન આવતા ફરિયાદી અને તેમના પત્ની પહોંચ્યા હતા. તે સમયે ફરિયાદીનો પુત્ર રડતો હતો. આ બાબતે કહેવા જતા અજય રાજપુતે ફરિયાદીને મોં પર ફેંટો મારી ગંભીર ઇજાઓ કરી હતી. બનાવ અંગે રાણીપ પોલીસે બન્ને પક્ષોની ફરિયાદ આધારે ગુનો દાખલ કરી તપાસ હાથ ધરી છે.

આ પ્રકારના તમામ સમાચાર માટેે App ડાઉનલોડ કરો.