કોઠારીયા રોડ પર ડી માર્ટ પાસે યુવક પર હુમલો

વાણીયાવાડી શેરી નં.26માં રહેતા મોહીતભાઈ જગદીશભાઈ કડેચા (ઉ.32) ગઈકાલે રાત્રે 10 વાગ્યે ઘર પાસે આવેલ રઘુવંશી પાન નામની દુકાને ઉભો હતો ત્યારે ધસી આવેલા કિશન ડવ અને તેની સાથેના અજાણ્યા 12 શખ્સોએ યુવકને બાઈકમાં બેસાડી કોઠારીયા મેઈનરોડ પર આવેલ ડીમાર્ટ પાસે લઈ જઈ ઝઘડો કરી
ઢીકાપાટુનો બેફામ માર મારી નાસી છુટયા હતા. જે બાદ ઈજાગ્રસ્ત યુવકે તેના મિત્ર મયુરને જાણ કરી પોતાના ઘરે ચાલ્યો ગયો હતો જે બાદ આજે સવારે યુવકને મુંઢ મારનો દુખાવો ઉપડતા સારવારમાં સીવીલ હોસ્પીટલે ખસેડાયો હતો. બનાવ અંગે સીવીલ ચોકીના સ્ટાફે ભક્તિનગર પોલીસને જાણ કરી હતી.
વધુમાં ઈજાગ્રસ્ત યુવકના મિત્ર મયુરે જણાવ્યું હતું કે ગઈકાલે રાત્રીના મારામારી બાદ તેઓ ભક્તિનગર પોલીસ મથકે ગયા હતા અને ફરિયાદ નોંધાવવાનું કહ્યું હતું. જે મામલે પોલીસે કિશન ડવનો સંપર્ક થયા બાદ તમને જાણ કરશું તેવું કહી અમને મોકલી દીધા હતા. જે અંગેની જાણ કિશન ડવને થતા તેને તેમની કારમાં તોડફોડ કર્યાનો આક્ષેપ કર્યો હતો.
9879405838

આ પ્રકારના તમામ સમાચાર માટેે App ડાઉનલોડ કરો.