ફરીદા જલાલે કહ્યું, ‘કાજોલ બહુ જ નટખટ છે’:બોલ્યા, ‘સીરિયસ સીનમાં પણ હસાવતી હતી, એકવાર તો આદિત્ય ચોપરાએ બહુ જ ઠપકો આપ્યો હતો’

20 ઓક્ટોબર, 1995ના દિવસે રિલીઝ થયેલી ફિલ્મ 'દિલવાલે દુલ્હનિયા લે જાયેંગે'ને 29 વર્ષ જેટલો સમય થઇ ચુક્યો છે. આ ફિલ્મમાં કાજોલ અને શાહરુખ ખાન લીડ એક્ટર તરીકે જોવા મળ્યા હતા. કાજોલની માતા લાજવંતીનો રોલ દિગ્ગજ એક્ટ્રેસ ફરીદા જલાલે નિભાવ્યો હતો. જેઓ હાલમાં જ સિરીઝ 'હીરામંડી'માં પણ જોવા મળ્યા છે. હાલમાં જ એક ઇન્ટરવ્યૂમાં ફરીદાએ DDLJ સંબંધિત એક રમૂજી ઘટના સંભળાવી હતી. ફરીદાએ ફિલ્મના શૂટિંગ દરમિયાન એક સીન વિશે વાત કરી હતી. ફરીદાએ વાતચીતમાં જણાવ્યું હતું કે, ખૂબ જ ઈમોશનલ સીન ચાલી રહ્યો હતો. જેમાં ફરીદા કાજોલ સાથે ખૂબ જ ભાવુક વાત કરી રહી છે. ફરીદા સિમરન એટલે કે કાજોલને કહી રહી છે - તેની સાથે જે પણ થયું, તે તેની પુત્રી સાથે ક્યારેય પણ નહીં થવા દે. એક તરફ ફરીદાની આંખો આંસુઓથી ભરાઈ આવી હતી, તો બીજી તરફ કાજોલ તેની સામે ઉભી હતી અને તેને મજાક કરીને હસાવવાનો પ્રયાસ કરી રહી હતી. ખરેખર, આ શૂટમાં કાજોલનો બેક શોટ હતો. આ કારણે તે શું બોલી રહી હતી અને કરી રહી હતી તે કેમેરામાં દેખાતી ન હતી. માત્ર ફરીદાનો ચહેરો જ દેખાતો હતો. આનો ફાયદો ઉઠાવીને કાજોલ તેની સાથે મસ્તી કરતી હતી. બોલિવૂડ બબલ સાથેની વાતચીત દરમિયાન ફરીદાએ કહ્યું કે કાજોલે તે સીનમાં તેમની ખુબ જ મજા લીધી છે. એક તરફ તે ઈમોશનલ સીન ચાલતો હતો તો બીજી તરફ નટખટ કાજોલ તેને કહે છે – તમે બહુ પ્રેમાળ લાગી રહ્યા છે. કેટલા સુંદર. ફરીદા જી. ફરીદાએ કહ્યું, મને કાજોલ ખૂબ ગમે છે. જ્યારે શોટ પૂરો થયો, ત્યારે બધા હસવા લાગ્યા. બધાએ મારા વખાણ કર્યા, કાજોલ જે રીતે એક્ટિંગ કરી રહી હતી, જો ત્યાં અન્ય કોઈ હોત તો તે આ શોટ આપી શકી ન હોત. તેમણે કહ્યું કે આદિત્ય ચોપડા સેટ પર કાજોલને ઘણી ઠપકો આપતા હતા, પરંતુ તે સેટ પર હસતી અને મજાક કરતી હતી. આ ઇન્ટરવ્યૂ દરમિયાન ફરીદાએ એ પણ જણાવ્યું કે તે શાહરુખ ખાન સાથે હજુ વધુ વાર કામ કરવા માગે છે, ફિલ્મ 'દિલવાલે દુલ્હનિયા લે જાયેંગે'એ 10 ફિલ્મફેર એવોર્ડ જીત્યાં
ફિલ્મ 'દિલવાલે દુલ્હનિયા લે જાયેંગે' 20 ઓક્ટોબર 1995ના રોજ રિલીઝ થઈ હતી. આ ફિલ્મનું દિગ્દર્શન આદિત્ય ચોપરાએ કર્યું હતું અને યશ જોહરે પ્રોડ્યુસ કર્યું હતું. આ ફિલ્મમાં શાહરુખ ખાન, કાજોલ, અનુપમ ખેર, અમરીશ પુરી જેવા કલાકારો લીડ રોલમાં હતા. આ ફિલ્મે 10 ફિલ્મફેર એવોર્ડ પણ જીત્યા છે. 4 કરોડમાં બનેલી આ ફિલ્મે ભારતમાં 89 કરોડ તથા વિદેશમાં 13.50 કરોડની કમાણી કરી હતી. વિશ્વભરમાં ફિલ્મનું કલેક્શન 102.5 કરોડ રૂપિયા હતું. કિરણ ખેરે ટાઈટલ આપ્યું હતું
ફિલ્મનું ટાઈટલ 'દિલવાલે દુલ્હનિયા લે જાયેંગે' કિરણ ખેરે સજેસ્ટ કર્યું હતું. આ વાતનો ઉલ્લેખ યશરાજ ફિલ્મ્સે પબ્લિશ કરેલી બુક 'આદિત્ય ચોપરા રિલિવ્સ..દિલવાલે દુલ્હનિયા લે જાયેંગે'માં કરવામાં આવ્યો છે. આદિત્યે કહ્યું હતું, 'કિરણજીને આ વિચાર 1974માં આવેલી ફિલ્મ 'ચોર મચાયે શોર'ના ગીત 'લે જાયેંગે દિલવાલે દુલ્હનિયા લે જાયેંગે' સાંભળીને આવ્યો હતો. મને આ આઈડિયા ઘણો જ ગમ્યો અને પછી ફિલ્મનું ટાઈટલ ફાઈનલ કરવામાં આવ્યું હતું. શાહરુખ રોમેન્ટિક ફિલ્મ કરવા માગતો નહોતો
ફિલ્મ જર્નલિસ્ટ અનુપમા ચોપરાની બુક 'દિલવાલે દુલ્હનિયા લે જાયેંગેઃ અ મોડર્ન ક્લાસિક' પ્રમાણે, શાહરુખ આ ફિલ્મમાં કામ કરવા માટે તૈયાર નહોતો. સુંદર લોકેશન્સ પર ગીતોનું શૂટિંગ અને પછી છોકરી સાથે ભાગી જવાનું, આ કોન્સેપ્ટ શાહરુખને પહેલીવારમાં પસંદ આવ્યો નહોતો. તે સમયે આમિર ખાન તથા સલમાન ખાને લવર બૉય તરીકે સફળતા મેળવી હતી. શાહરુખ આ બંનેથી અલગ કરવા માગતો હતો. આ જ કારણે તેણે આદિત્ય ચોપરાને ફિલ્મમાં રાજનો રોલ પ્લે કરવાની ના પાડી દીધી હતી. શાહરુખની ના સાંભળીને આદિત્યને નવાઈ લાગી હતી. જોકે, તેણે શાહરુખને ફિલ્મમાં કામ કરવા માટે મનાવી લીધો હતો.

આ પ્રકારના તમામ સમાચાર માટેે App ડાઉનલોડ કરો.