‘લક્ષ્ય’ ફ્લોપ થયા બાદ ફરહાન ડિપ્રેશનમાં સરી પડ્યો હતો:કહ્યું- મેં વિચાર્યું નહોતું કે આવી સ્થિતિ થશે, આમાંથી બહાર નીકળવામાં દોઢ વર્ષ લાગ્યા’

અભિનેતા-દિગ્દર્શક ફરહાન અખ્તરે તાજેતરમાં જ ખુલાસો કર્યો હતો કે ફિલ્મ 'લક્ષ્ય' ફ્લોપ થયા બાદ તે ડિપ્રેશનમાં ગયો હતો. તેમાંથી બહાર નીકળવામાં તેને લગભગ 1.5 વર્ષનો સમય લાગ્યો. ફરહાને તે પણ કહ્યું કે બાળપણથી જ તેને શીખવવામાં આવ્યું હતું કે મહેનતનું ફળ મળે છે, અને તેણે વિચાર્યું કે આ ફિલ્મ ચાલશે. જો કે આવું બન્યું ન હતું. લક્ષ્ય ફિલ્મનું નિર્દેશન ફરહાન અખ્તરે કર્યું હતું. આ ફિલ્મમાં હૃતિક રોશન અને પ્રીતિ ઝિન્ટા લીડ રોલમાં હતા. સખત મહેનત કરવા છતાં ફરહાનને સફળતા ન મળી
રાજ શમાનીને આપેલા ઈન્ટરવ્યુમાં ફરહાને તેની પહેલી ફ્લોપ ફિલ્મનો અનુભવ શેર કર્યો હતો. તેણે કહ્યું કે તેની પહેલી ફિલ્મ 'દિલ ચાહતા હૈ'ની સફળતા બાદ તેણે આગામી પ્રોજેક્ટ પર કામ કરવાનું વિચાર્યું હતું. તેણે કહ્યું કે તેણે પહેલી ફિલ્મ દરમિયાન વધુ મહેનત કરી ન હતી. પરંતુ 'લક્ષ્ય' ફિલ્મના નિર્માણ દરમિયાન તેણે ઘણી મહેનત કરી હતી, છતાં તે ફ્લોપ રહી હતી. તેણે કહ્યું, 'આપણે નાનપણથી સાંભળતા આવ્યા છીએ કે જો તમે દિલથી મહેનત કરશો તો તમને ઈનામ ચોક્કસ મળશે. જો કે આ ફિલ્મ એટલી સારી ન ચાલી, જેટલી મેં સખત મહેનત કરી હતી. કમનસીબે આ ફિલ્મ બોક્સ ઓફિસ પર સફળ રહી ન હતી. ડિપ્રેશનમાંથી બહાર આવવામાં 1.5 વર્ષ લાગ્યાં
ફરહાને વધુમાં જણાવ્યું કે, ફિલ્મની નિષ્ફળતાને કારણે તે ડિપ્રેશનમાં ગયો હતો. તેણે કહ્યું- જ્યારે આ ફિલ્મ રીલિઝ થઈ અને સારી કમાણી ન કરી, ત્યારે હું દુઃખી થઈ ગયો. વિચારવા લાગ્યો કે આ કેવી રીતે બની શકે. ખૂબ મહેનત કરી હતી.પરંતુ નિષ્ફ્ળ જતા હું ડિપ્રેશનમાં ગયો હતો અને તેમાંથી બહાર નીકળવામાં મને 1.5 વર્ષ લાગ્યાં હતાં. વાતચીત દરમિયાન ફરહાને આગામી ફિલ્મ 'ડોન 3' વિશે પણ વાત કરી હતી. તેણે કહ્યું કે તે આ ફિલ્મની આતુરતાથી રાહ જોઈ રહ્યો છે. આ ફિલ્મમાં રણવીર સિંહ અને કિઆરા અડવાણી લીડ રોલમાં છે. આ પહેલા તેણે પિંકવિલાને આપેલા ઈન્ટરવ્યુમાં ખુલાસો કર્યો હતો કે ફિલ્મ 'ડોન 3'નું શૂટિંગ આવતા વર્ષે શરૂ થશે.

આ પ્રકારના તમામ સમાચાર માટેે App ડાઉનલોડ કરો.