પુનિતનગરના ટાંકા પાસે પ્લોટમાંથી વિદેશી દારૂના રૂ।.2.78 લાખનો જથ્થા સાથે ત્રણ શખ્સો ઝડપાયા

પુનિતનગરના ટાંકા પાસે આવેલ ખુલ્લા પ્લોટમાંથી વિદેશી દારૂની 600 બોટલ રૂ।.2.78 લાખના જથ્થા સાથે ત્રણ શખ્સોને ક્રાઇમ બ્રાન્ચે દબોચી દારૂ અને બોલેરો મળી રૂ।.7.79 લાખનો મુદ્દામાલ કબ્જે કર્યો હતો. દરોડાની વિગત અનુસાર, ક્રાઇમ બ્રાન્ચ પીઆઇ એલ.એલ.ચાવડાના માર્ગદર્શન હેઠળ ટીમ પેટ્રોલિંગમાં હતી
ત્યારે પુનિતનગરના પાણીના ટાંકા પાસે આવેલ વિશ્વકર્મા સોસાયટી શેરી નં.17 માં આવેલ ખુલ્લા પ્લોટમાં દારૂનો જથ્થો ઉતર્યો હોવાની ચોક્કસ બાતમીના આધારે ક્રાઇમ બ્રાન્ચના એએસઆઈ બલભદ્રસિંહ જાડેજા,હેડ કોન્સ્ટેબલ માહિપાલસિંહ ઝાલા, કનકસિંહ સોલંકી અને કોન્સ્ટેબલ ચેતનસિંહે બાતમીના સ્થળે દરોડો પાડી અલગ અલગ બ્રાન્ડની 660 બોટલ પકડી પાડી હતી. ત્યાં હાજર પરીક્ષિત રાજુ બળદા(ઉ.વ.22), અમરદીપસિંહ ક્રિપાલસિંહ ઝાલા (ઉ.વ.21),(રહે.બન્ને પુનિતનગર હાઉસિંગ બોર્ડ કવાર્ટર,150 ફૂટ રીંગરોડ) અને લાખા બચુ રૂદાલતાની ધરપકડ કરી શરાબની બોટલ અને બોલેરો મળી રૂ।.7.79 લાખનો મુદ્દામાલ કબ્જે કરી
પૂછપરછ હાથ ધરી હતી. વધુમાં પોલીસે જણાવ્યું હતું કે, પરીક્ષિત ગઢવી અને અમરદીપસિંહ ઝાલાએ ચોટીલા નજીકથી દારૂ લઈ આવવા માટે વાંકાનેરના બોલેરો ચાલક લાખાને કહ્યું હતું, જેથી લાખો ચોટીલા નજીકથી બોલેરોમા દારૂ ભરીને આવ્યો હતો અને પોલીસે દરોડો પડ્યો હતો. દારૂ ક્યાં સપ્લાય કરવાનો હતો તે જાણવા આરોપીના રિમાન્ડ મેળવવા તજવીજ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.