મારૂતી કુરીયરની ઓફિસમાં આગ લાગી: ફાયર બ્રિગેડે બુઝાવી
શહેરના યાજ્ઞિક રોડ નજીક આવેલા મારૂતી કુરીયરની ઓફીસમાં આગ લાગ્યાની ખબર મળતા ફાયર બ્રિગેડ દોડી ગયું હતું અને આગ બુઝાવી હતી.
આ અંગે રાજકોટ મહાનગર પાલિકાના ફાયર વિભાગ દ્વારા અપાયેલી માહિતી મુજબ, તા.17ના રોજ સવારે 8.12 વાગ્યે ફાયર બ્રિગેડને જાણ કરવામાં આવી હતી કે, યાજ્ઞિક રોડ પર રાજકુમાર કોલેજ સામે આઈડીબીઆઈ બેંક વાળી શેરીમાં આવેલ મારૂતી કુરીયરની ઓફિસમાં આગ લાગી છે.
ખબર મળતા જ ફાયર ફાઈટર સાથે ફાયર જવાનો પંકજભાઈ ટાંક, કમલેશભાઈ ઝીંઝુવાડીયા, અજય પરમાર, હેમંતભાઈ, અનિલભાઈ ડાભી, રોહિતભાઈ ડાભી, ભુપતભાઈ વગેરે દોડી ગયા હતા.
ત્યાં પહોંચતા ઓફીસના માણસોએ ફાયર એકઝીકયુસર વડે આગ બુઝાવી હતી. તપાસ કરતા સ્થળ પર અમિતભાઈ મોકરીયા અને શૈલેષભાઈ બલેજા હાજર હતા. પુછપરછ કરતા જાણવા મળેલ કે, આ મારૂતી કુરીયરની રીજનલ ઓફીસ છે. જેના ત્રણ માળના બિલ્ડીંગમાં ગ્રાઉન્ડ ફલોરમાં કુરીયરના પાર્સલો રાખવામાં આવેલા. કોઈ એક પાર્સલમાં બેટરીઓ હતી. આ બેટરીમાંથી ધુમાડા નિકલતા બાદમાં આગ લાગી હતી. ફાયર બ્રિગેડે આ બનાવ અંગે ઉપરી અધિકારીઓએ જાણ કરી હતી.
9879405838
આ પ્રકારના તમામ સમાચાર માટેે
App ડાઉનલોડ કરો.