22મીએ સગાઈ, 23મીએ સાંજે રિસેપ્શન:શિલ્પા શેટ્ટીના રેસ્ટોરાંમાં રિસેપ્શન પાર્ટી, પહેલું ઇન્વિટેશન ભાઈજાનને આપ્યાનો મેકઅપ આર્ટિસ્ટનો દાવો

એક્ટ્રેસ સોનાક્ષી સિંહા 23 જૂને એક્ટર ઝહીર ઈકબાલ સાથે લગ્ન કરવા જઈ રહી છે. બંને રજિસ્ટર્ડ મેરેજ કરશે. ત્યાર બાદ તે જ દિવસે સાંજે મુંબઈના દાદરમાં બાસ્ટન રેસ્ટોરાંમાં રિસેપ્શન પાર્ટી હશે. આ લગ્ન સંબંધિત વધુ માહિતી મેળવવા માટે અમે ઝહીર ઈકબાલના મેકઅપ આર્ટિસ્ટ રાજુ નાગ સાથે વાત કરી. રાજુ એક સેલિબ્રિટી મેકઅપ આર્ટિસ્ટ છે. તેઓ 35 વર્ષથી ઇન્ડસ્ટ્રીમાં એક્ટિવ છે. રાજુએ જણાવ્યું કે ઝહીરે તેને 22 તારીખે ખાસ મેકઅપ કરવા માટે બોલાવ્યો છે. રાજુએ જણાવ્યું કે પહેલી સગાઈ 22મીએ થશે. આ પછી ફોટોશૂટ થશે. પછી બીજા દિવસે લગ્ન અને પછી સાંજે રિસેપ્શન હશે. ઝહીરે પહેલું આમંત્રણ સલમાન ખાનને આપ્યું
રાજુએ કહ્યું કે ઝહીરે તેના લગ્નનું પહેલું આમંત્રણ સલમાન ખાનને મોકલ્યું છે. દેખીતી રીતે ઝહીર અને સલમાન એકબીજાની ખૂબ જ નજીક છે. રાજુએ કહ્યું, 'ઝહીર, સલમાન ભાઈનો લાડલો છે. સલમાન ભાઈએ બાળપણથી જ ઝહીરને ઘણો પ્રેમ આપ્યો છે. ઝહીરને એક્ટર બનાવવા માટે પણ ઘણી મહેનત કરી છે. બીજી તરફ ઝહીર પણ સલમાન ભાઈનું ઘણું સન્માન કરે છે. લગ્નનો નિર્ણય લેતા પહેલાં ઝહીરે સલમાનભાઈને મેસેજ કર્યો હતો. જવાબમાં સલમાનભાઈ આ વાતમાં સંમત થયા હતા. સલમાન ભાઈ એ પહેલા વ્યક્તિ છે જેમને લગ્નમાં આમંત્રણ આપવામાં આવ્યું હતું. અત્રે ઉલ્લેખનીય છે કે, સોનાક્ષી અને ઝહીર 7 વર્ષથી રિલેશનશિપમાં છે. બંનેની પહેલી મુલાકાત સલમાન ખાનની એક પાર્ટીમાં થઈ હતી. થોડા સમયની મિત્રતા પછી આ સંબંધ પ્રેમમાં પરિણમ્યો હતો. સલમાને જ રાજુને ઝહીર પાસે મોકલ્યો હતો
મેકઅપ આર્ટિસ્ટ રાજુએ કહ્યું, 'હું સલમાન ભાઈ સાથે તેની પહેલી ફિલ્મથી જોડાયેલો છું. મારો ભાઈ પણ તેમની સાથે કામ કરે છે. સલમાન ભાઈએ જ મારી ઓળખાણ ઝહીર સાથે કરાવી હતી. ઝહીરના પિતા અને સલમાન ભાઈ ઘણા સારા મિત્રો છે. ઝહીરની પહેલી ફિલ્મ આવવાની હતી ત્યારે સલમાન ભાઈએ મને તેમનો મેકઅપ કરવા તેમની પાસે મોકલ્યો હતો. ત્યારથી જ મારા ઝહીર સાથે ખૂબ સારા સંબંધો હતા. ઝહીરે પોતાની સાથે-સાથે રાજુ માટે સૂટ સીવડાવ્યો
રાજુએ કહ્યું કે ઝહીરે હાલમાં જ તેને સૂટ સિલાઇ કરાવવા માટે બોલાવ્યો હતો. તેમણે તેમની સાથે વધુ બે-ત્રણ લોકો માટે સૂટ સિલાઇ કરાવ્યા. રાજુએ કહ્યું, 'ઝહીરે મારા માટે, હેર સ્ટાઈલિશ અને સ્પોટબોય માટે સૂટ સિલાઈ કરાવ્યો છે. આના પરથી તમે કલ્પના કરી શકો છો કે મારી અને ઝહીર વચ્ચે કેટલો નજીકનો સંબંધ છે. લગ્ન વિશે રાજુને સૌથી પહેલા ખબર પડી હતી
રાજુએ કહ્યું કે તે એવા કેટલાક લોકોમાં સામેલ છે જેમને આ લગ્ન વિશે સૌથી પહેલા ખબર પડી હતી. ઝહીર અને સોનાક્ષીએ આગામી ફિલ્મ 'તુ હૈ મેરી કિરણ'ના સેટ પર નક્કી કર્યું હતું કે તેઓ લાંબા સમય સુધુ રાહ નહીં જુએ. રાજુએ ખુલાસો કર્યો, 'એક દિવસ હું ઝહીર અને સોનાક્ષી સાથે ફિલ્મ 'તુ હૈ મેરી કિરણ'ના સેટ પર બેઠો હતો. મેં તેમને કહ્યું કે હું સોહેલ ખાન સાથે સાઉથની ફિલ્મનું શૂટિંગ કરવા હૈદરાબાદ જઈ રહ્યો છું. આ સાંભળીને ઝહીરે કહ્યું કે જાવ, પણ 22 અને 23 જૂને કોઈપણ ભોગે મુંબઈમાં જ રહો. હું વિચારવા લાગ્યો કે આ બે તારીખોનો અર્થ શું છે. મેં ઝહીરને આનું કારણ પૂછ્યું. ત્યારબાદ ઝહીરે ઈશારા દ્વારા પોતાના લગ્ન વિશે જણાવ્યું. તેમણે મારા માટે હૈદરાબાદથી મુંબઈની ફ્લાઈટ ટિકિટ પણ બુક કરાવી. રાજુ નાગે સોનાક્ષી સિંહાની પહેલી ફિલ્મ 'દબંગ' માટે મેકઅપ વર્ક પણ કર્યું હતું. તેમણે કહ્યું, 'સોનાક્ષી ખૂબ જ સ્વીટ છે. તે અસલી જીવનમાં પણ એવી જ છે જેવી તે સ્ક્રીન પર દેખાય છે. તેનામાં કોઈ અભિમાન નથી. સંપૂર્ણપણે ડાઉન ટુ અર્થ છે. હું તેને બે દિવસ પહેલાં જ મળ્યો હતો. તે તેમની આસપાસના લોકોને ક્યારેય નિરાશ કરતી નથી. જો કોઈ ફેન્સ તેને ફોટો માટે પૂછે છે, તો તે ખુશીથી સંમત થાય છે.

આ પ્રકારના તમામ સમાચાર માટેે App ડાઉનલોડ કરો.