રીક્ષા ગેંગ ફરી સક્રીય: રાજનગર ચોકમાં પેસેન્જર લૂંટાયા
બનાવ અંગે જય પાર્ક શેરી નં. 0 1, રાજનગર ચોક પાસે રહેતાં રાહુલભાઇ વૈલસિંહ મોહનીયા (ઉ.વ.19) એ નોંધાવેલ ફરીયાદમાં જણાવ્યું હતું કે, તેઓ છુટક મજુરી કરી પરીવારનુ ગુજરાન ચલાવે છે. ગઇ તા.30 ના સાંજના સમયે તે તેમની બહેન સંગીતાબેન મોહનીયા સાથે તેઓને પોતાના વતન મધ્યપ્રદેશ જવું હોય.
જેથી રાજનગર ચોક ખાતે આવેલ અને રાજનગર ચોકથી ગ્રીનલેન્ડ ચોકડી જવા રીક્ષામાં બેસેલ અને તેમની પાસે ખીસ્સામાં રોકડા રૂ.28 હજાર હતા. તે રીક્ષામાં બાજુમાં એક બહેન તથા એક માજી તેમજ એક શખ્સ બેસેલ હતો. તે રીક્ષામાં પાછળની સાઈડ એક છોકરો તથા અન્ય અજાણ્યો ઇસમ બેસેલ હતો.
થોડા આગળ લક્ષ્મીનગર માર્કેટ પાસે પહોંચતા રીક્ષાવાળાએ કહેલ કે, તમે અહીં ઉભા રહો હું આ પેસેન્જરને ઉતારીને આવું, તેમ કહીં રીક્ષાવાળાએ સામાન રીક્ષામાથી ઉતારી આપેલ અને ભાડુ પણ માંગેલ નહી. બાદમાં તે ત્યાથી જતો રહેલ હતો. તેને ખિસ્સામાં રહેલ રોકડ અંગે તપાસ કરતાં પૈસા મળી આવેલ નહી અને રીક્ષા ગેંગ તફડંચી કરી નાસી છૂટતાં ફરીયાદ નોંધાવી હતી.
9879405838
આ પ્રકારના તમામ સમાચાર માટેે
App ડાઉનલોડ કરો.