MPમાં હાથીઓએ 3 લોકોને કચડી નાખ્યા, 2ના મોત:બાંધવગઢ ટાઈગર રિઝર્વની નજીક આવેલા ગામોમાં ફફડાટ; છેલ્લા 3 દિવસમાં10 હાથીઓ મૃત્યુ પામ્યા છે

MPના ઉમરિયાના બાંધવગઢ ટાઈગર રિઝર્વના ચંદિયા ફોરેસ્ટ રેન્જમાં હાથીઓએ 3 લોકોને કચડી નાખ્યા હતા. જેમાં બે લોકોના મોત થયા હતા. એક યુવક ઘાયલ થયો છે. આ ઘટના શનિવારે સવારે NH-43 નજીક આવેલા દેવરા ગામમાં બની હતી. આ ગામ સલખાણીયા ગામથી માત્ર 4 કિલોમીટર દૂર છે, જ્યાં છેલ્લા 3 દિવસમાં 10 હાથીઓના મોત થયા છે. મળતી માહિતી મુજબ, સવારે લગભગ 8 વાગે 3 હાથી ગામમાં ઘૂસ્યા હતા. હાથીઓ દેખાતા જ લોકોમાં ભય ફેલાયો હતો. નદી કિનારે ગયેલા રતન યાદવ (62)ને હાથીએ કચડ્યા હતા. જેના કારણે તેમનું ઘટનાસ્થળે જ મોત નીપજ્યું હતું. તેમજ બગદરી તલૈયા પાસે, ભૈરવ કોલ (35) ને પણ હાથીએ કચડી નાખતા તેમનું પણ ઘટનાસ્થળે જ મૃત્યુ થયું. વનવિભાગના કર્મચારીઓ લોકોને જંગલમાં ન જવા અપીલ કરી રહ્યા છે. વાહનોને પણ નુકસાન થયું હતું
હાથીઓએ ચંદિયા કોલેજ પાસે બે વાહનોને પણ નુકસાન પહોંચાડ્યું હતું. ગ્રામીણ માલુ સાહુ ખેતરમાં ડાંગર વાઢતી વખતે ઘાયલ થયા હતા. તેમને હોસ્પિટલમાં દાખલ કરવામાં આવ્યા છે. માહિતી મળતા જ વન વિભાગ અને પોલીસ અધિકારીઓ ઘટનાસ્થળે પહોંચી ગયા હતા. હાથીઓની હિલચાલ બાદ ગ્રામજનો ભયભીત છે. વન વિભાગની ટીમ હાથીઓને રેસ્ક્યૂ કરવાના પ્રયાસો કરી રહી છે. ટોળામાં સામેલ ત્રણ હાથીઓની શોધ ચાલી રહી છે
સમાન ફોરેસ્ટ ડિવિઝનના ડિવિઝનલ ફોરેસ્ટ ઓફિસર કુલદીપ ત્રિપાઠીએ જણાવ્યું કે માહિતી મળ્યા બાદ ચંદિયા, નૌરોઝાબાદ અને ઉમરિયા ફોરેસ્ટ રેન્જની ટીમ ઘટનાસ્થળે પહોંચી ગઈ છે. 50થી વધુ અધિકારીઓ અને કર્મચારીઓને તહેનાત કરવામાં આવ્યા છે. હાથીઓ પર નજર રાખવામાં આવી રહી છે. ત્રણ હાથી ગુમ હોવાનું કહેવાય છે, જેની શોધ ચાલુ છે. બાંધવગઢ ટાઈગર રિઝર્વને પણ માહિતી આપવામાં આવી છે. હાલમાં એ સ્પષ્ટ નથી થયું કે આ હાથીઓ બાંધવગઢ ટાઈગર રિઝર્વના છે કે અન્ય કોઈ જગ્યાએથી આવ્યા છે. મૃતકોના પરિવારજનોને વળતર આપવાના નિર્દેશ
ચંદિયા ફોરેસ્ટ રેન્જમાં આ ઘટનાની જાણ થતાં જ વન વિભાગના એસીએસ અશોક વર્ણવાલ અને પીસીસીએફ અસીમ શ્રીવાસ્તવ પણ ઘટનાસ્થળે પહોંચી ગયા હતા. સ્ટાફ સાથે ચર્ચા કરી ઘટના સ્થળનો તાગ મેળવ્યો હતો. તેમજ ACS વર્ણવાલે ઉમરિયા ડીએફઓને 24 કલાકમાં વળતરની રકમ આપવા નિર્દેશ આપ્યા હતા. પુત્રએ કહ્યું- પિતાએ કોલ રિસીવ કર્યો ન હતો
રામરતન યાદવના પુત્ર સંતલાલ યાદવે જણાવ્યું કે, સવારે 6 વાગે પિતા શૌચ માટે જંગલ તરફ ગયા હતા. આ દરમિયાન કેટલાક લોકો ટાંકી પર ચઢીને હાથીને જોઈ રહ્યા હતા. મેં પૂછ્યું તો તેમણે કહ્યું – હાથી આવ્યા છે. મેં વિચાર્યું કે પિતા આ દિશામાં ગયા છે. મેં ફોન કર્યો તો ફોન ઉઠાવ્યો નહોતો. અમે તેમને જોવા બહાર ગયા. તેઓ રસ્તામાં પડેલા હતા. તેમના પર હાથીએ હુમલો કર્યો હતો. જો કે, હાથી ગામની અંદર આવ્યા નહોતા. નજરેજોનાર મહિપાલ સિંહે જણાવ્યું કે તેઓ સવારે જંગલ તરફ ગયા હતા. જોયું કે ત્રણ જંગલી હાથી આવી રહ્યા છે. હું ડરીને ભાગવા લાગ્યો. હવે ગામમાં લોકો ભયભીત છે કે ક્યાંક હાથી ગામમાં મ આવી જાય.

આ પ્રકારના તમામ સમાચાર માટેે App ડાઉનલોડ કરો.