જામનગરમાં જુગાર રમતી આઠ મહિલા ઝડપાઇ : કાલાવડના ખાનકોટડા ગામે જુગાર રમતાં છ શખ્સોની ધરપકડ

જામનગર,તા 08 ઓગષ્ટ 2022,સોમવારજામનગર તેમજ કાલાવડના ખાનકોટડા ગામે પોલીસે જુગાર અંગેના બે દરોડા પાડયા હતા. જેમાં આઠ મહિલા સહિત ૧૪ જુગારીઓને ઝડપી લીધા હતા અને રોકડ રકમ કબજે કરી હતી.જામનગરમાં કડીયા વાડ વિસ્તારમાં આવેલ ધાણીવાડી શેરીમાં જાહેરમાં જુગાર રમાતો હોવાની માતમીના આધારે પોલીસે સ્થળ પર જઇ દરોડો પાડયો હતો. જયાં જુગાર રમી રહેલ દિવ્યાબેન કીશોરચંદ્ર પંડયા, વીણાબેન દીનેશભાઇ લાલાણી, બીનાબેન પ્રફુલભાઇ લાખાણી, મધુબેન મુકુંદભાઇ ભટ્ટી, ગીતાબેન કિશોરભાઇ પારેખ, હેતલબેન ધીરેનભાઇ લાખાણી, ઈલાબેન ચેતનભાઇ ખેતાણી તેમજ અશ્વિનીબેન જીજ્ઞેશભાઇ રાઠોડ સહિત આઠેય મહિલાઓની રૂ.૧૪૦૦ રોકડ સાથે અટકાયત કરવામાં આવી હતી.આ ઉપરાંત બીજો દરોડો કાલાવડના ખાનકોટડા ગામે આવેલ મફતીયા પરામાં જાહેરમાં જુગાર રમી રહેલ કરશન માયાભાઇ બાંભવા, સંજય ગોકરભાઇ બાંભવા, રતાભાઇ મોતીભાઇ સોલંકી, વશરામ કરણાભાઇ બાંભવા તેમજ ભવાન નાથાભાઇ બાંભવા સહિત છ શખ્સોની ધરપકડ કરી તેના પાસેથી રોકડ રૂ.૧૦,૬ર૦ કબજે કરી ધોરણસરની કાર્યવાહી હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.