EDએ કહ્યું- કેજરીવાલ લિકર પોલિસી કેસના માસ્ટરમાઇન્ડ અને કાવતરાખોર:કૌભાંડના નાણાં AAPના ચૂંટણી પ્રચારમાં ખર્ચવામાં આવ્યા; 208 પાનાની સાતમી પૂરક ચાર્જશીટ રજૂ કરી
લિકર પોલિસી કેસમાં, EDએ મંગળવારે દિલ્હીની રાઉઝ એવન્યુ કોર્ટમાં સાતમી પૂરક ચાર્જશીટ રજૂ કરી. 208 પાનાની આ ચાર્જશીટમાં દિલ્હીના સીએમ અરવિંદ કેજરીવાલને કેસના માસ્ટરમાઇન્ડ અને કાવતરાખોર જણાવવામાં આવ્યા છે. ચાર્જશીટમાં કહેવામાં આવ્યું છે કે કૌભાંડમાંથી મળેલા પૈસા આમ આદમી પાર્ટી પર ખર્ચવામાં આવ્યા હતા. EDએ પોતાની ચાર્જશીટમાં કહ્યું કે કેજરીવાલે આ પૈસા 2022માં ગોવાની ચૂંટણીમાં AAPના ચૂંટણી પ્રચારમાં ખર્ચ્યા હતા. એવો દાવો કરવામાં આવ્યો છે કે કેજરીવાલે દારુ વેચવાના કોન્ટ્રાક્ટ માટે દક્ષિણ જૂથના સભ્યો પાસેથી 100 કરોડ રૂપિયાની લાંચ માંગી હતી, જેમાંથી 45 કરોડ રૂપિયા ગોવાની ચૂંટણીમાં ખર્ચવામાં આવ્યા હતા. EDએ ભારપૂર્વક જણાવ્યું હતું કે કેજરીવાલે દાવો કર્યો હતો કે AAPના ભૂતપૂર્વ મીડિયા પ્રભારી અને કેસમાં સહ-આરોપી વિજય નાયર મંત્રીઓ આતિશી અને સૌરભ ભારદ્વાજ હેઠળ કામ કર્યું હતું, તેમની નહીં. તેમાં એવો પણ દાવો કરવામાં આવ્યો હતો કે મુખ્યમંત્રીએ કહ્યું હતું કે દુર્ગેશ પાઠક ગોવાના રાજ્ય પ્રભારી (પ્રભારી) હતા અને ફંડનું મેનેજમેન્ટ કરતા હતા અને ફંડ સંબંધિત નિર્ણયોમાં તેમની કોઈ ભૂમિકા નહોતી. કેજરીવાલે હાઈકોર્ટમાં કહ્યું- જામીન રદ કરવા એ ન્યાયની નિષ્ફળતા સમાન છે દિલ્હીના મુખ્યમંત્રી અરવિંદ કેજરીવાલે બુધવારે (10 જુલાઈ) હાઈકોર્ટમાં રજુ કરેલા તેમના જવાબમાં કહ્યું - મારા જામીન રદ કરવા એ ન્યાયની નિષ્ફળતા સમાન છે. હું વિચ હન્ટનો શિકાર થયો છું. ખરેખરમાં, ઇરાદાપૂર્વક વ્યક્તિને હેરાન કરવાને વિચ હન્ટનો શિકાર કહેવામાં આવે છે. તે રાજકીય વિરોધી પણ હોઈ શકે છે. હાઈકોર્ટમાં થયેલી સુનાવણીમાં કેજરીવાલે કહ્યું- ED કસ્ટડી દરમિયાન તપાસ અધિકારીએ કોઈ ખાસ પૂછપરછ કરી ન હતી. રાજકીય વિરોધીને હેરાન કરવા અને અપમાનિત કરવા માટે ગેરકાયદેસર ધરપકડ કરવામાં આવી છે. જસ્ટિસ નીના બંસલ કૃષ્ણાની બેંચે હવે EDને આ મામલે જવાબ દાખલ કરવા કહ્યું છે. કેસની આગામી સુનાવણી 15 જુલાઈએ થશે. કેજરીવાલ સામે ED ઉપરાંત CBI કેસ પણ ચાલી રહ્યો છે. સીબીઆઈએ 26 જૂને લિકર પોલિસીમાં ભ્રષ્ટાચારના આરોપમાં તેમની ધરપકડ કરી હતી. કેજરીવાલની ED દ્વારા 21 માર્ચે લિકર પોલિસીમાં મની લોન્ડરિંગ કેસના સંબંધમાં ધરપકડ કરવામાં આવી હતી. તેને 20 જૂને ટ્રાયલ કોર્ટમાંથી જામીન મળ્યા હતા. તેની સામે ઇડીએ હાઇકોર્ટમાં અપીલ કરી હતી. હાઈકોર્ટે 25 જૂનના રોજ ટ્રાયલ કોર્ટના નિર્ણય પર સ્ટે આપ્યો હતો. કેજરીવાલે કહ્યું- ટ્રાયલ કોર્ટે વિવેકબુદ્ધિના આધારે ચુકાદો આપ્યો હતો કેજરીવાલે કહ્યું કે EDની દલીલો કાયદા અનુસાર યોગ્ય નથી. EDની દલીલો અસંવેદનશીલતાનું વલણ દર્શાવે છે. મારી સામે PMLAની કલમ 3 હેઠળ કોઈ કેસ નથી. અને મારું જીવન અને સ્વતંત્રતા ખોટા અને દૂર્ભાગ્યપુર્ણ કેસથી સુરક્ષિત હોવી જોઈએ. કેજરીવાલે કહ્યું- EDએ અન્ય સહ-આરોપીઓ પર દબાણ કર્યું અને તેમને આવા નિવેદનો આપવા માટે કહ્યું, જેનાથી કેસમાં EDને ફાયદો થયો. ટ્રાયલ કોર્ટનો જામીનનો હુકમ માત્ર વ્યાજબી હતો જ નહીં પણ તે બંને પક્ષકારોની દલીલોને ધ્યાનમાં લઈને સમજદારી પર આધારિત ચુકાદો દર્શાવે છે. એવો કોઈ પુરાવો નથી જે સાબિત કરે કે AAPએ દક્ષિણ જૂથ પાસેથી લાંચ લીધી છે. ગોવાની ચૂંટણીમાં આ લાંચનો ઉપયોગ કરવો એ દૂરની વાત છે. AAPને એક રૂપિયો પણ મળ્યો નથી. આ અંગે કરવામાં આવેલા આરોપોને સાબિત કરવા માટે કોઈ નક્કર પુરાવા નથી. જામીન પર સ્ટે મુકતા હાઇકોર્ટે કહ્યું- ટ્રાયલ કોર્ટે વિવેકબુદ્ધિનો ઉપયોગ કર્યો નથી
હાઈકોર્ટે કહ્યું કે દલીલો યોગ્ય રીતે કરવામાં આવી ન હતી, તેથી રાઉઝ એવન્યુ કોર્ટના નિર્ણયને રદ કરે છે. નિર્ણયને જોતા લાગે છે કે કેજરીવાલને જામીન આપતી વખતે સમજદારીનો ઉપયોગ કરવામાં આવ્યો નથી. ટ્રાયલ કોર્ટના અવલોકનોને ધ્યાનમાં લઈ શકાય નહીં અને તે સંપૂર્ણપણે અયોગ્ય છે. આ દર્શાવે છે કે ટ્રાયલ કોર્ટે સામગ્રી પર પોતે વિચાર કર્યો નથી. એક મજબૂત દલીલ કરવામાં આવી હતી કે જજે કલમ 45 PMLAની બેવડી જરૂરિયાતને ધ્યાનમાં લીધી નથી. ટ્રાયલ કોર્ટે એવો કોઈ નિર્ણય ન આપવો જોઈએ જે હાઈકોર્ટના નિર્ણયની વિરુદ્ધ હોય. ટ્રાયલ કોર્ટે કલમ 70 PMLAની દલીલને પણ ધ્યાનમાં લીધી નથી. રાઉઝ એવન્યુ કોર્ટના જામીનના આદેશ વિશે 5 બાબતો...
આ પ્રકારના તમામ સમાચાર માટેે
App ડાઉનલોડ કરો.