વડનગર મુકામે દિવ્યાંગજન ગરબા મહોત્સવ યોજાયો
વડનગર મુકામે દિવ્યાંગજન ગરબા મહોત્સવ યોજાયો
તારીખ : ૧૯-૧૦-૨૦૨૪ના રોજ મહાશક્તિ વિકલાંગ કલ્યાણ સંઘ, વડનગર દ્વારા શ્રી હાટકેશ્વર મહાદેવ મંદિરના પરિસરમાં દિવ્યાંગજન ગરબા મહોત્સવ યોજાઈ ગયો. જેમાં અસ્તિક્ષતિ, પ્રજ્ઞાચક્ષુ, શ્રવણમંદ અને મનોદિવ્યાંગ ભાઈ-બહેનો મળી કુલ-૩૦૦થી વધુ દિવ્યાંગજનોએ ઉત્સાહભેર ભાગ લઈ ખ્યાતિપ્રાપ્ત ગાયિકા મમતાબેન કવિરાજ અને શનિભાઈના સુરે ગરબાની રમઝટ બોલાવી હાજર સૌને મંત્રમુગ્ધ કરી દીધા હતા. આ પ્રસંગે ઊંઝાના ધારાસભ્યશ્રી કિરીટભાઈ પટેલ, ગુરુકુળ વડનગરના મહંતશ્રી સ્વામિનારાયણ વલ્લભદાસજી મહારાજ, આશાપુરા મંદિર, વડનગરનાં પ. પૂ. ગૌરીગંગા માતાજી, વડનગર સિવિલ હોસ્પિટલના આર.એમ.ઓ. ડામોર સાહેબ, વડનગર આર્ટ્સ અને કોમર્સ કોલેજના નિવૃત્ત પ્રિન્સિપાલ રણજીતસિંહ રાઠોડ, વડનગર શહેર ભાજપ પ્રમુખ રાજુભાઈ મોદી, વડનગર નગરસેવક ગીરીશભાઈ પટેલ, વિસનગરથી માય ન્યુ ઈન્ડિયા ટ્રસ્ટના સંચાલક કમલેશભાઈ વૈદ્ય, જીતુભાઈ ફૂદાણી, દિપકભાઈ લખવાણી, હરેશભાઈ અડવાણી વગેરેએ હાજર રહી દિવ્યાંગજન ભાઈ-બહેનોને પ્રોત્સાહિત કર્યા હતાં. સંસ્થાના મંત્રી હિતેશભાઈ ખત્રીએ પ્રસંગોચિત ઉદ્દબોધન કરી ગરબા મહોત્સવમાં પધારેલ સૌને મીઠો આવકાર આપી ખુશીની લાગણી વ્યક્ત કરી હતી . આ પ્રસંગે દિવ્યાંગજનોના પ્રિય એવા અંધજન મંડળ, વિસનગરના વિશિષ્ટ શિક્ષક કાદરભાઈ મનસુરી સહિત દિવ્યાંગજનોના સર્વાંગીણ વિકાસમાં યશસ્વી યોગદાન આપનાર વ્યક્તિવિશેષશ્રીઓનું સંસ્થા દ્વારા મહેમાનોના વરદ્હસ્તે પ્રમાણપત્ર અર્પણ કરી બહુમાન કરવામાં આવ્યું હતું. સમગ્ર ગરબા મહોત્સવનું સુંદર મજાનું સ્ટેટ સંચાલન પોતાની આગવી કાવ્યાત્મક શૈલીમાં કાદરભાઈ મનસુરી દ્વારા કરવામાં આવ્યું હતું. ગરબા મહોત્સવને દીપાવવા માટે સંસ્થાના મંત્રી હિતેશભાઈ ખત્રી, પ્રમુખ સમીરભાઈ પટેલ, સભ્ય જીગરભાઈ પટેલ, આશાબેન પરમાર, નીતાબેન પ્રજાપતિ, દક્ષાબેન પ્રજાપતિ, મયુરભાઈ બારોટ વગેરેએ ભારે જહેમત ઉઠાવી હતી. આ ગરબા મહોત્સવમાં વડનગર શ્રી રામ સેવા મંડળ તેમજ રાજ્યભરમાં દિવ્યાંગજનોના ક્ષેત્રે કાર્યરત વિવિધ સંસ્થાના પ્રતિનિધિશ્રીઓ વગેરેએ હાજર રહી ખુશી વ્યક્ત કરી હતી. પ્રીતિભોજનની વ્યવસ્થામાં યુવા ક્ષત્રિય સેના ટીમ જે.જી. બાપુ છાબલિયાએ સુંદર મજાનો સહયોગ આપ્યો હતો.
રિપોર્ટ -: જીગર પટેલ વડનગર
આ પ્રકારના તમામ સમાચાર માટેે
App ડાઉનલોડ કરો.