લાફો ખાધા બાદ કંગનાનો ગાલ સૂજી ગયો:મોઢા ઉપર આંગળીઓના સોળ ઊઠ્યા, ફોટો શેર કરી યુઝર્સે એક્ટ્રેસને ટ્રોલ કરી; જાણી લો વાઇરલ PHOTOનું સત્ય

હિમાચલ પ્રદેશના મંડી લોકસભા સીટથી કંગના રનૌતે ચૂંટણી જીતી લીધી છે. તે પછી એક્ટ્રેસ 6 જૂનના રોજ ચંદીગઢથી દિલ્હી જઈ રહી હતી. ત્યારે એરપોર્ટ પર સિક્યોરિટી ચેક દરમિયાન CISFની મહિલા કોન્સ્ટેબલે તેને લાફો ઝીંક્યો. CISFની મહિલા કોન્સ્ટેબલ કુલવિંદર કૌરનો એક વીડિયો સામે આવ્યો હતો. તેમાં આરોપીએ કહ્યું, કંગનાએ કહ્યું હતું કે 100-100 રૂપિયા માટે લોકો ખેડૂત આંદોલનમાં બેઠા રહ્યા છે. જ્યારે તેણે આ નિવેદન આપ્યું ત્યારે મારી માતા પણ ત્યાં જ બેઠી હતી. ભારત નામના એક વેરિફાઇડ યુઝરે તસવીર શેર કરીને લખ્યું- આવી રીતે કોણ મારે ભાઈ, હું આની નિંદા કરું છું. એક હાથે હાલાત બગાડી નાખી. ( આર્કાઇવ ) એક યુઝરે લખ્યું- લાફો ખાધા બાદ રિપોર્ટરે કંગનાને પૂછ્યું કે દેશ ક્યારે આઝાદ થયો, તમે વિશ્વાસ નહીં કરો આ વખતે કંગનાએ 1947 બતાવ્યું. ( આર્કાઇવ ) આસિફા પરવીન નામની યુઝરે લખ્યું- ખેડૂતોને આતંકી કહેનાર કંગના રનૌત માટે આ લાફાની સજા કેવી લાગી તમને બધાને ( આર્કાઇવ ) એક અન્ય યુઝરે લખ્યું- શું આ ખેડૂત પરિવારની હાયના કારણે તો નથી થયું ને? કહેવાય છે કે હાય માણસ મૃત્યુ પામે ત્યાં સુધી પીછો નથી છોડતી.. ( આર્કાઇવ ) હવે આપણે જાણીએ છીએ વાઇરલ ફોટોનું સત્ય...
સર્ચ રિઝલ્ટમાં અમે આ તસવીર જાણકારી સાથે એડ્સ 'ઓફ ધ વર્લ્ડ' નામની વેબલાઇટ પર જાણકારી સાથે મળ્યો. વેબસાઇટ લિંક... વેબસાઇટ પ્રમાણે, આ તસવીર મચ્છર અને માખીઓને મારનાર બેંગન સ્પ્રેના એડ શૂટની છે. કંપનીએ સ્લેપ ટૂના નામથી આ એડ કેમ્પેઇન 30 મે 2006ના રોજ પબ્લિશ કરી હતી. ત્યાં જ, આ એડને દિલ્હી સ્થિત ડબ્સ એજન્સી નામની કંપનીએ શૂટ કરી હતી. જેથી સ્પષ્ટ છે કે સોશિયલ મીડિયા પર વાઇરલ ફોટાને લઈને કરવામાં આવેલો દાવો સંપૂર્ણપણે ખોટો છે . આ ફોટો એક એડ શૂટનો છે, જેને કંગના રનૌતના નામે શેર કરવામાં આવી રહ્યો છે. ફેક ન્યૂઝ સામે અમારી સાથે જોડાઓ. જો તમને કોઈ માહિતી અંગે કોઈ શંકા હોય તો કૃપા કરીને અમને @ fakenewsexpose @dbcorp.in અને WhatsApp - 9201776050 પર ઈ-મેઇલ કરો.

આ પ્રકારના તમામ સમાચાર માટેે App ડાઉનલોડ કરો.