રાજકોટમાં કન્ટ્રક્શનના યુવા ધંધાર્થી ની આત્મ હત્યા
રાજકોટમાં કન્ટ્રક્શનના યુવા ધંધાર્થી અજયસિંહ જાડેજાએ આત્મહત્યા કરી લેતા ચકચાર મચી ગઇ છે. 28 વર્ષીય અજયસિંહે નાના મવા, મોકાજી સર્કલ પાસે આવેલા પોતાના ઘરે ગળાફાંસો ખાધો હતો. ક્યાં કારણે પગલું ભર્યું તે જાણવા ન મળતા આપઘાત અંગે રહસ્ય ઘૂંટાઈ રહ્યું છે.
આ અંગે મળતી વિગત મુજબ, અજયસિંહ વિરેન્દ્રસિંહ જાડેજા(ઉં. વ.28, રહે. નાના મવા, મોકાજી સર્કલ પાસે, રાજકોટ)એ ગઈકાલે બપોરે 2 વાગ્યા આસપાસ પોતાના ઘરે પંખા સાથે કપડાં સૂકવવાની દોરી બાંધી ગળફાંસો ખાઈ લીધો હતો. પરિવારને જાણ થતાં તત્કાલ 108 અને પોલીસને જાણ કરાઈ હતી. અજયસિંહને મૃત જાહેર કરાતા પરિવારમાં કલ્પાંત છવાયો હતો.
મૃતકના પિતા હયાત નથી. અજયસિંહ કન્ટ્રક્શનનો વ્યવસાય કરતા હતા. તેને સંતાનમાં એક પુત્ર અને એક પુત્રી છે. પરિવારે ઘરના સહારા સમાન યુવાનને ગુમાવતા અને સંતાનોએ પિતાની છત્રછાયા ગુમાવતા પરિવારમાં કલ્પાંત છવાયો છે. અજયસિંહના આપઘાતનું કારણ જાણવા ન મળતાં રાજકોટ તાલુકા પોલીસે વધુ તપાસ હાથ ધરી છે.
9879405838
આ પ્રકારના તમામ સમાચાર માટેે
App ડાઉનલોડ કરો.