અસલી શિવસેના-NCPએ ભાજપનો ભોગ લીધો:મહારાષ્ટ્રના ડેપ્યુટી CM દેવેન્દ્ર ફડણવીસે હારની જવાબદારી સ્વીકારી, રાજીનામાની રજૂઆત કરી

મહારાષ્ટ્રના ડેપ્યુટી સીએમ દેવેન્દ્ર ફડણવીસે લોકસભા ચૂંટણીમાં ભાજપના ખરાબ પ્રદર્શનની જવાબદારી લીધી છે અને રાજીનામું આપવાની રજૂઆત કરી છે. બુધવારે મીડિયા સાથે વાત કરતાં તેમણે કહ્યું હતું કે મહાવિકાસ અઘાડીના ત્રણ પક્ષો સિવાય અમારે પણ એક નેરેટિવ સામે પણ લડવું પડ્યું. દેવેન્દ્ર ફડણવીસે કહ્યું કે હું નેતૃત્વ પાસે માગ કરીશ કે મને સરકારના કામમાંથી મુક્ત કરવામાં આવે. તેમણે કહ્યું, 'હું ભાગી જનાર માણસ નથી. હું આ હારની જવાબદારી લઉં છું. જનતાની વચ્ચે જઈને નવેસરથી કામ કરશે. ફડણવીસે કહ્યું કે હું ભાજપ સંગઠનને મજબૂત કરવા પર ધ્યાન આપવા માગું છું. દેવેન્દ્ર ફડણવીસે આ વાત ભાજપના મહારાષ્ટ્ર યુનિટની બેઠક બાદ કહી હતી. બુધવારે જ ભાજપના નેતાઓની બેઠક યોજાઈ હતી, જેમાં લોકસભા ચૂંટણીના પરિણામો પર ચર્ચા કરવામાં આવી હતી. ભાજપે રાજ્યમાં માત્ર 9 બેઠકો જીતી છે, જ્યારે 2019માં ભાજપે રાજ્યમાં 23 બેઠકો જીતી હતી. આ વખતે લોકસભા ચૂંટણીમાં ભાજપને માત્ર 240 બેઠકો મળી છે. યુપી, મહારાષ્ટ્ર, બંગાળ અને રાજસ્થાન જેવા રાજ્યોમાં ભાજપને મોટો ઝટકો લાગ્યો છે. આ રાજ્યોમાંથી એવો ફટકો પડ્યો છે કે તે બહુમતીથી ચૂકી ગઈ છે. ભાજપમાં માત્ર 33 બેઠકો પર અટકી, જ્યાં 2019 માં તેણે 62 બેઠકો જીતી હતી. આ બેઠકમાં ડેપ્યુટી સીએમ ફડણવીસ ઉપરાંત પ્રદેશ અધ્યક્ષ ચંદ્રશેખર બાવનકુલે પણ હાજર હતા. NDAએ 45 બેઠકોનો લક્ષ્યાંક રાખ્યો હતો, પરંતુ માત્ર 17 જ જીતી
બેઠકમાં હારના કારણો અંગે વિગતવાર ચર્ચા કરવામાં આવી હતી. આ વખતે ભાજપ અને તેના સાથી પક્ષોએ મળીને રાજ્યમાં 17 બેઠકો જીતી છે. આ આંકડો 48 બેઠકો ધરાવતા રાજ્ય કરતા ઘણો ઓછો છે. જ્યારે ઉદ્ધવ ઠાકરેની શિવસેના, શરદ પવારની એનસીપી અને કોંગ્રેસે સારું પ્રદર્શન કર્યું છે. ત્રણેય પક્ષોએ મળીને 30 બેઠકો જીતી છે. નોંધનીય છે કે એનડીએએ રાજ્યમાં 45 બેઠકો જીતવાનો લક્ષ્યાંક રાખ્યો હતો. પરિણામ તેના ત્રીજા ભાગની આસપાસ હતું. કોંગ્રેસને મહારાષ્ટ્રમાં કુલ 13 બેઠકો મળી છે, જે 2019માં તેના પ્રદર્શનને ધ્યાનમાં રાખીને મોટી સફળતા છે. 'આ તો મુંગેરીલાલનાં સપનાં જેવું'
મહારાષ્ટ્રના પીએમ એકનાથ શિંદેએ આજે કહ્યું કે, 'અમને જે બહુમતીની જરૂર હતી, તે અમને મળી ગઈ છે. પીએમ મોદીના નેતૃત્વમાં એનડીએ સરકારની રચના થશે. હું તેમને સમર્થન અને શુભેચ્છા આપવા માટે અહીં છું. જે લોકો પાસે બહુમતી નથી, તેઓ સરકાર બનાવવાની વાત કરી રહ્યા છે, આ તો મુંગેરીલાલનાં સપનાં જેવું છે. ઈન્ડિ ગઠબંધનનું એકમાત્ર લક્ષ્ય પીએમ મોદીને હરાવવાનું હતું...લોકોએ તેમને રોક્યા.' મહારાષ્ટ્ર રિઝલ્ટનું એનાલિસિસ જુઓ ઉદ્ધવ જ બાળાસાહેબના વારસદાર, શરદની NCP અસલી:ભાજપનું મહાગઠબંધન 18 બેઠકો સુધી સમેટાયું , MVAને મળી 29 સીટ એક્ઝિટ પોલને ખોટા ગણાવતા કોંગ્રેસ મહારાષ્ટ્રમાં સૌથી વધુ 11 સીટ જીતી રહી છે. મહારાષ્ટ્રમાં શિવસેના-યુબીટી, એનસીપી-શરદ પવાર અને કોંગ્રેસની બનેલી મહાવિકાસ આઘાડી 48માંથી 28 બેઠકો પર આગળ છે. બીજી તરફ, શિવસેના અને એનસીપીમાં ફાંટ પાડીને સરકાર ચલાવતા ગઠબંધન મહાયુતિ માત્ર 19 બેઠક પર આગળ છે. પ્રારંભિક પરિણામો અનુસાર, મહાવિકાસ અઘાડીને મુંબઈ, મરાઠવાડા, વિદર્ભ, પશ્ચિમ મહારાષ્ટ્ર વગેરે જેવા તમામ વિસ્તારોમાં સારો પ્રતિસાદ મળી રહ્યો છે. વધુ વાંચવા ક્લિક કરો...

આ પ્રકારના તમામ સમાચાર માટેે App ડાઉનલોડ કરો.