ડિફેન્સ પ્રોડક્શન ઓલ ટાઈમ હાઈ પર:2023-24માં રૂ. 1.27 લાખ કરોડનું ઉત્પાદન થયું, ગયા વર્ષ કરતાં 16.8% વધુ

રક્ષા મંત્રી રાજનાથ સિંહે શુક્રવારે કહ્યું કે દેશમાં 2023-24માં સંરક્ષણ ઉત્પાદનમાં અત્યાર સુધીનો સૌથી વધુ વધારો નોંધાયો છે. જે ગયા નાણાકીય વર્ષ કરતાં 16.8% વધુ છે. તેમણે કહ્યું કે, 2023-24માં રૂ. 1,26,887 કરોડનું ડિફેન્સ પ્રોડક્શન થયું હતું, જે અગાઉ રૂ. 1,08,684 કરોડ હતું. સરકાર દેશને અગ્રણી વૈશ્વિક સંરક્ષણ ઉત્પાદન હબ તરીકે વિકસાવવા માટે 'મેક ઇન ઇન્ડિયા'ને પ્રોત્સાહન આપી રહી છે. રક્ષા મંત્રી રાજનાથ સિંહે આ સિદ્ધિ પર કહ્યું કે મેક ઈન ઈન્ડિયા કાર્યક્રમ વર્ષોવર્ષ નવા સીમાચિહ્નો પાર કરી રહ્યો છે. આ સિદ્ધિ બદલ અભિનંદન આપતા પીએમ નરેન્દ્ર મોદીએ કહ્યું કે, આ આપણી સુરક્ષા વ્યવસ્થાને વધારશે. ભારત તેજસ LCA, વિવિધ પ્રકારના હેલિકોપ્ટર, યુદ્ધ જહાજો, ટેન્ક, આર્ટિલરી, મિસાઇલ, રોકેટ, ઘણા લશ્કરી વાહનો સહિત વિવિધ પ્રકારના શસ્ત્રો અને સાધનોનું પ્રોડક્શન કરે છે. પીએમ મોદીએ કહ્યું- આ એક પ્રોત્સાહક વિકાસ છે
રાજનાથ સિંહની X પર પોસ્ટ બાદ વડાપ્રધાન નરેન્દ્ર મોદીએ પણ X પર પોસ્ટ કરી છે. તેમણે તેને પ્રોત્સાહક વિકાસ ગણાવ્યો હતો. મોદીએ કહ્યું કે આ સિદ્ધિમાં યોગદાન આપનારા તમામને અભિનંદન. અમે અમારી ક્ષમતાઓને વધુ વધારવા અને ભારતને અગ્રણી વૈશ્વિક સંરક્ષણ ઉત્પાદન કેન્દ્ર તરીકે સ્થાપિત કરવા માટે પ્રતિબદ્ધ છીએ. આ આપણી ડિફેન્સ સિસ્ટમને મજબૂત કરશે અને આપણને આત્મનિર્ભર બનાવશે. ગઈ વખતે પ્રથમ વખત પ્રોડકેશન રૂ. 1 લાખ કરોડને પાર થયું હતું
નાણાકીય વર્ષ 2022-23માં અમારું ડિફેન્સ પ્રોડકશન 1.09 લાખ કરોડ રૂપિયા હતું. 2022-23માં પ્રથમ વખત પ્રોડકશન રૂ. 1 લાખ કરોડને પાર થઈ ગયું હતું. સંરક્ષણ મંત્રાલય (MoD) ના નિવેદન અનુસાર, આ ડેટા સરકારી ક્ષેત્રના તમામ સંરક્ષણ ઉપક્રમો, સંરક્ષણ ક્ષેત્ર માટે વિવિધ સામાનનું ઉત્પાદન કરતી અન્ય PSUs અને ખાનગી ક્ષેત્રની કંપનીઓ પાસેથી પ્રાપ્ત ડેટામાંથી બહાર આવ્યો છે. રેકોર્ડ પ્રોડકશનનો અર્થ એ પણ છે કે દેશની સંરક્ષણ ઇકોસિસ્ટમ નાણાકીય વર્ષ 2028-29 સુધીમાં કેન્દ્રના રૂ. 3 લાખ કરોડના વાર્ષિક ઉત્પાદન લક્ષ્યના 40% કરતાં વધુને આવરી લે છે. છેલ્લા 5 વર્ષમાં પ્રોડક્શનમાં 60%થી વધુનો વધારો થયો છે
છેલ્લા પાંચ વર્ષથી દેશમાં સંરક્ષણ પ્રોડકશન સતત વધી રહ્યું છે. આ સમયગાળા દરમિયાન તેમાં 60%થી વધુનો વધારો થયો છે. DPSU અને અન્ય PSU એ ગયા નાણાકીય વર્ષ 2023-24માં પ્રોડકશનમાં 79.2% ફાળો આપ્યો હતો, જ્યારે ખાનગી ક્ષેત્રે બાકીનો 20.8% ફાળો આપ્યો હતો. ભારત છેલ્લા એક દાયકામાં વિશ્વનો સૌથી મોટો શસ્ત્ર આયાતકાર દેશ રહ્યો છે
સરકારે કહ્યું હતું કે, 'અમે રશિયા જેવા દેશોમાંથી આયાત પર અમારી નિર્ભરતા ઘટાડવાનો પ્રયાસ કરી રહ્યા છીએ. ભારત છેલ્લા એક દાયકામાં વિશ્વનો સૌથી મોટો શસ્ત્ર આયાતકાર દેશ રહ્યો છે. દેશ તેના લગભગ અડધા લશ્કરી પુરવઠા માટે રશિયા પર નિર્ભર છે. આ સમાચાર પણ વાંચો... ભારત વિશ્વનો સૌથી મોટો હથિયાર આયાતકાર દેશ છે, વેચાણમાં ફ્રાન્સ બીજા ક્રમે છે. ભારત વિશ્વનો સૌથી મોટો શસ્ત્ર આયાતકાર દેશ છે. છેલ્લા પાંચ વર્ષમાં તેણે વિશ્વમાં સૌથી વધુ હથિયારો ખરીદ્યા છે. સ્ટોકહોમ ઇન્ટરનેશનલ પીસ રિસર્ચ ઇન્સ્ટિટ્યૂટ (SIPRI) દ્વારા સોમવારે જાહેર કરાયેલા રિપોર્ટમાંથી આ માહિતી સામે આવી છે. રિપોર્ટ અનુસાર, પાંચ વર્ષમાં ભારતની હથિયારોની ખરીદીમાં 4.7%નો વધારો થયો છે.

આ પ્રકારના તમામ સમાચાર માટેે App ડાઉનલોડ કરો.