ડેનિશ પીએમ ફ્રેડરિક્સન પર કોપનહેગનમાં હુમલો:આરોપીની ધરપકડ; EUની ચૂંટણી અંગે પાર્ટીના ઉમેદવાર માટે પ્રચાર કર્યા બાદ પરત ફરી રહ્યા હતા

ડેનિશ વડાપ્રધાન મેટ્ટે ફ્રેડરિક્સન પર રાજધાની કોપનહેગનમાં એક વ્યક્તિએ અચાનક હુમલો કર્યો હતો. ન્યૂઝ એજન્સી રિટ્ઝાઉના રિપોર્ટ અનુસાર, આરોપીએ ફ્રેડરિક્સનને જોરદાર ધક્કો માર્યો. આનાથી તેણી લથડી ગયા. જો કે કોપનહેગન પોલીસે હુમલાખોરની ધરપકડ કરી લીધી છે અને તેની પૂછપરછ કરવામાં આવી રહી છે. આ હુમલો યુરોપિયન યુનિયનની ચૂંટણી પહેલા થયો છે. યુનિયનની ચૂંટણી 9 જૂને યોજાવાની છે. ડેનિશ પીએમ ફ્રેડરિકસેન સોશિયલ ડેમોક્રેટ્સના EU મુખ્ય ઉમેદવાર ક્રિસ્ટેલ શાલ્ડેમોસ સાથે પ્રચાર કરી રહ્યા છે. ઘટનાના થોડા સમય પહેલા જ બંને પ્રચાર માટે ગયા હતા. ફ્રેડરિક્સન આ ઘટનાથી આઘાતમાં છે
ડેનમાર્કના રાજ્ય પ્રસારણકર્તા ડીઆરએ વડા પ્રધાન કાર્યાલયને ટાંકીને જણાવ્યું હતું કે ફ્રેડરિક્સન હુમલાથી આઘાત પામ્યા હતા. જો કે, હુમલો કેવી રીતે થયો અથવા ફ્રેડરિક્સનને કોઈ ઈજા થઈ કે કેમ તે અંગે કોઈ માહિતી આપવામાં આવી નથી. ઘટનાના પ્રત્યક્ષદર્શીઓએ જણાવ્યું કે બીજી બાજુથી એક વ્યક્તિ આવ્યો અને તેણે મેટ્ટીના ખભા પર જોરથી ધક્કો માર્યો, જેના કારણે તે એક તરફ લથડી ગયા. ધક્કો ખૂબ જ જોરદાર હોવા છતાં તે પડતાં બચી ગયા હતા. આ પછી તે એક કેફેમાં બેસી ગયા હતા. યુરોપિયન રાજકારણીઓ પર હિંસક હુમલાઓ વધી રહ્યા છે
તાજેતરના દિવસોમાં યુરોપિયન રાજકારણીઓ પર હિંસક હુમલાઓ વધ્યા છે. 4 જૂન એક શંકાસ્પદ વ્યક્તિએ મેનહાઇમમાં દૂર-જમણેરી અલ્ટરનેટીવ ફોર જર્મની પાર્ટીના રાજકારણીને બોક્સ કટર વડે ઘા મારીને હત્યા કરી. જર્મનીના મધ્ય-ડાબેરી સોશિયલ ડેમોક્રેટ્સના યુરોપિયન સંસદના ઉમેદવાર, મેથિયાસ એકે પર પણ હુમલો કરવામાં આવ્યો હતો, ડ્રેસ્ડનમાં હુમલામાં તેમના ગાલ અને આંખનું હાડકું ફ્રેક્ચર થયું હતું. 15 મેના રોજ સ્લોવાકિયાના વડાપ્રધાન રોબર્ટ ફિકો પર પણ જીવલેણ હુમલો થયો હતો. હાલમાં તે સ્વસ્થ થઈ રહ્યા છે. હુમલાખોરે તેના પર પાંચ ગોળી ચલાવી હતી, જેમાંથી એક તેના પેટમાં વાગી હતી. પીએમને તાત્કાલિક હોસ્પિટલમાં લઈ જવામાં આવ્યા હતા જ્યાં તેમની સાડા ત્રણ કલાક સુધી સર્જરી ચાલી હતી. આ હુમલો ત્યારે થયો જ્યારે વડાપ્રધાન હેન્ડલોવા શહેરમાં એક સાંસ્કૃતિક હોલની બહાર ભાષણ આપી રહ્યા હતા.

આ પ્રકારના તમામ સમાચાર માટેે App ડાઉનલોડ કરો.