પંચમહોત્સવના પ્રથમ દિવસે જિલ્લાના અધિકારીશ્રીઓ/કર્મચારીઓએ ૧૦ અલગ અલગ વર્લ્ડ હેરિટેજ સ્મારકોનો પગપાળા પ્રવાસ કર્યો

પંચમહોત્સવ ૨૦૨૩

હેરિટેજ વૉક અંતર્ગત ગુજરાતની જનતાને ગુજરાતના અણમોલ સાંસ્કૃતિક વારસાના જતનનો આપ્યો સંદેશ

ગોધરા

ચાલુ વર્ષ ૨૦૨૩માં પંચમહાલ જિલ્લાના હાલોલ તાલુકામાં પાવાગઢ-ચાંપાનેર વર્લ્ડ હેરિટેજ સાઇટ,વડા તળાવ ખાતે પંચમહોત્સવની ઉજવણીનો પ્રારંભ થઇ ચૂક્યો છે.અલગ અલગ પ્રવૃત્તિઓ થકી આકર્ષણનું કેન્દ્ર બનેલા પંચમહોત્સવના પ્રથમ દિવસે નિવાસી અધિક જિલ્લા કલેકટરશ્રી એમ.ડી.ચુડાસમા સહિતના અધિકારીશ્રીઓ/કર્મચારીઓએ ૧૦ અલગ અલગ વર્લ્ડ હેરિટેજ સ્મારકોનો પગપાળા પ્રવાસ કર્યો હતો.

સંગીત સંધ્યા પહેલા યોજાયેલ આ કાર્યક્રમમાં જાહેર જનતાને હેરિટેજ વૉકમાં જોડાવા અપીલ કરાઇ હતી.આ સાથે ગુજરાતના અણમોલ સાંસ્કૃતિક વારસાના જતનનો સંદેશ આપવામાં આવ્યો હતો.આ હેરિટેજ વૉકમાં કુલ ૧૦ અલગ અલગ વર્લ્ડ હેરિટેજ સ્મારકો ખાતે પગપાળા યાત્રામાં પ્રવાસીઓ પણ સહભાગી થયા હતા.ઉપસ્થિતોને આ સ્મારકો અને તેના મહત્વ વિશે જાણકારી આપવામાં આવી હતી.

એક મિનાર મસ્જિદથી લઈને વડા તળાવ-ટેન્ટ સિટી સુધી કુલ ૧૦ સ્થળો ખાતે અંદાજે ૬ કિલોમીટરની રેન્જમાં હેલિકેલ વાવ,સકર ખાનની દરગાહ,સિટી ગેટ,શહેર કી મસ્જિદ,ચાંપાનેર વર્લ્ડ હેરિટેજ સાઈટ,જામી મસ્જિદ,ચાંપાનેર,કમાની મસ્જિદ,કબૂતર ખાના પેવેલિયન સહિતના ઐતિહાસિક સ્થળો ખાતે હેરિટેજ વૉકનો વિધિવત પ્રારંભ થઇ ચૂક્યો છે.ગાઈડની મદદથી પ્રવાસીઓને તમામ સ્મારકો અંગે અને સાંસ્કૃતિક વારસા અંગે માહિતી આપવામાં આવી રહી છે.

આ હેરિટેજ વૉકમાં નિવાસી અધિક જિલ્લા કલેકટરશ્રી એમ.ડી.ચુડાસમા,હાલોલ પ્રાંત અધિકારીશ્રી પ્રણવ વિઠ્ઠાણી,સ્ટેમ્પ ડયુટી કલેકટરશ્રી ફાલ્ગુન પંચાલ,જિલ્લા ખેતીવાડી અધિકારીશ્રી એમ.જી.પટેલ સહિત વિવિધ અધિકારીશ્રીઓ/કર્મચારીઓ અને પ્રવાસીઓ જોડાયા હતા.
રિપોર્ટર વિનોદ પગી પંચમહાલ

આ પ્રકારના તમામ સમાચાર માટેે App ડાઉનલોડ કરો.