2 દિવસ બાદ નવી સિસ્ટમ થશે લાગુ, સંપૂર્ણપણે બદલાઈ જશે ઓનલાઈન પેમેન્ટ સિસ્ટમ

સપ્ટેમ્બર મહિનો પૂરો થવા જઈ રહ્યો છે અને ઑક્ટોબરની શરૂઆતમાં જ ઓનલાઈન પેમેન્ટમાં ઘણા ફેરફારો થવા જઈ રહ્યા છે. જો તમે ક્રેડિટ અથવા ડેબિટ કાર્ડ દ્વારા ચુકવણી કરો છો, તો તમારી ચુકવણીનો મોડ પણ બદલાઈ જશે. ભારતીય રિઝર્વ બેંક નો કાર્ડ-ઓન-ફાઈલ ટોકનાઇઝેશન નિયમ અમલમાં આવવાનો છે. આનાથી એક તરફ કાર્ડ ધારકોના પેમેન્ટ અનુભવમાં સુધારો થશે, તો બીજી તરફ ડેબિટ-ક્રેડિટ કાર્ડથી ટ્રાન્ઝેક્શન પહેલા કરતા વધુ સુરક્ષિત રહેશે.
ભારતીય રિઝર્વ બેંક 1 ઓક્ટોબર, 2022 થી ટોકનાઇઝેશન સિસ્ટમ લાગુ કરવા જઈ રહી છે. જ્યારે પણ ક્રેડિટ અથવા ડેબિટ કાર્ડ યુઝર્સ પોઈન્ટ ઓફ સેલ મશીનો પર, ઓનલાઈન અથવા કોઈ એપમાં પેમેન્ટ કરે છે, ત્યારે તેમના કાર્ડની વિગતો એનક્રિપ્ટેડ ટોકન્સના રૂપમાં સ્ટોર કરવામાં આવશે. એટલે કે, તે સ્પષ્ટ છે કે કોઈપણ પેમેન્ટ કંપની તમારો ક્રેડિટ અથવા ડેબિટ કાર્ડ ડેટા સ્ટોર કરી શકશે નહીં.
ટોકનાઇઝેશન સિસ્ટમ લાગુ થયા પછી, પેમેન્ટ કંપનીઓએ તમારા કાર્ડના બદલામાં એક વૈકલ્પિક કોડ અથવા ટોકન આપવાનું રહેશે, જેનો ઉપયોગ બહુવિધ કાર્ડ માટે કરી શકાશે. આનાથી ચુકવણીનો મોડ બદલાશે, કારણ કે ઓનલાઈન પેમેન્ટ કરતી વખતે કાર્ડ આપવાને બદલે માત્ર આ યુનિક ટોકનનો જ ઉપયોગ કરવાનો રહેશે.

આ પ્રકારના તમામ સમાચાર માટેે App ડાઉનલોડ કરો.