રાણપુરમાં વીજળીના થાંભલાનો કરંટ લાગતા ગાયનું મોત

- અનેક વખત રજૂઆતો કરવા છતાં પગલા નહીં ભરાતા લોકોમાં તંત્ર સામે રોષરાણપુર : રાણપુરમાં મદનીનગર વિસ્તારના વીજળીના થાંભલાનો કરંટ લાગતા ગાયનું મોત થયુ હોવાનો અરેરાટીભર્યો બનાવ બન્યો હતો. રાણપુરમાં આવેલી મદનીનગર વિસ્તારમાં મોટા ભાગના થાંભલા પર ઈલેક્ટ્રીક શોક આવતો હોવાથી અનેકવાર રજૂઆત કરવા છતાં કોઈ કાર્યવાહી નહીં કરાતા સ્થાનિકોમાં રોષ વ્યાપી ગયો છે. ગાયના માલિક લક્ષમણભાઈ માલધારીએ જણાવ્યું હતું કે એક જ સપ્તાહમાં પશુઓને વીજ શોક લાગવાની બીજી ઘટના બની છે. ગાયનું મોત નિપજતા લોકોમાં વીજ વિભાગ સામે ભારે આક્રોશ ફેલાયો હતો. અનેક વાર રજૂઆત કરી હોવા છતાં વીજ વિભાગ કોઈ કાર્યવાહી નહીં કરતું હોવાના સોસાયટીનાં રહીશો અને પશુ પાલકો દ્વારા આરોપો લગાવ્યા હતા. રાણપુર શહેરનો સૌથી ગીચ રહેણાંકી વિસ્તાર હોવાથી લોકો ભયના ઓથાર હેઠળ જીવી રહ્યા છે. આજ રોડ પરથી  બાળકો સહિત મોટી સંખ્યામાં લોકો અવરજવર કરતા હોય છે. 

આ પ્રકારના તમામ સમાચાર માટેે App ડાઉનલોડ કરો.