‘પુષ્પા 2’ના સેટ પરથી ક્લાઈમેક્સ સીનનો વીડિયો લીક:ખંડેર સ્થાન પર શૂટ થયો એક્શન સીન, ગુસ્સાથી લાલઘૂમ ફેન્સે કહ્યું, ‘વીડિયો ડિલીટ કરો’

અલ્લુ અર્જુન અને રશ્મિકા મંદાના સ્ટારર ફિલ્મ 'પુષ્પા 2'ના સેટ પરથી એક વીડિયો લીક થયો છે. કહેવામાં આવી રહ્યું છે કે આ વીડિયો ફિલ્મના ક્લાઈમેક્સ સીનના શૂટિંગ દરમિયાન લેવામાં આવ્યો હતો. આ BTS વીડિયોમાં ફિલ્મ સાથે સંકળાયેલી કાસ્ટ અને ક્રૂ મેમ્બર્સ એક તીવ્ર લડાઈ સીન શૂટ કરતા જોવા મળે છે. વીડિયોમાં લોહીથી લથપથ એક માણસ હાર્નેસ (કેબલ)થી લટકતો જોવા મળ્યો હતો, જ્યારે અન્ય લોકો સેટઅપમાં મદદ કરતા જોવા મળ્યા હતા. જોકે, આ ક્લિપમાં રશ્મિકા કે અલ્લુ અર્જુન જોવા મળ્યા ન હતા. નારાજ ફેન્સે વીડિયો ડિલીટ કરવાની અપીલ કરી હતી
આ વીડિયો સોશિયલ મીડિયા પર લીક થયા બાદ ફિલ્મના ફેન્સ નારાજ છે. તેમણે આ વીડિયોને ઈન્ટરનેટ પરથી હટાવવાની વિનંતી કરી છે. જોકે, આ પહેલીવાર નથી કે જ્યારે 'પુષ્પા 2'નું કોઈ ફૂટેજ લીક થયું હોય. આ પહેલાં પણ રશ્મિકા એક વીડિયોમાં તેમના પાત્ર શ્રીવલ્લીના ગેટ-ટુગેધરમાં જોવા મળી હતી. આ ફિલ્મ 6 ડિસેમ્બરે રિલીઝ થશે
સુકુમાર દ્વારા નિર્દેશિત 'પુષ્પા 2' અગાઉ આ વર્ષે 15 ઓગસ્ટે થિયેટરોમાં રિલીઝ થવાની હતી. જોકે, હવે આ ફિલ્મ આ વર્ષે 6 ડિસેમ્બરે રિલીઝ થશે. તે પાંચ ભાષાઓમાં રિલીઝ થશે. ફિલ્મનો પહેલો ભાગ ડિસેમ્બર 2021માં રિલીઝ થયો હતો અને તેણે બોક્સ ઓફિસ પર કમાણીના ઘણા રેકોર્ડ તોડ્યા હતા.

આ પ્રકારના તમામ સમાચાર માટેે App ડાઉનલોડ કરો.