રાજકોટમાં TVSના શો-રૂમમાં શોર્ટ સર્કિટના કારણે ભીષણ આગ, 10 મિનિટમાં 25 વાહનો ખાખ
રાજકોટ શહેરના ગોંડલ રોડ પર આવેલા TVSના શો-રૂમમાં આજે સવારે આગ ફાટી નીકળતા અફરાતફરી મચી ગઈ હતી. આગ એટલી ભીષણ હતી કે શો-રૂમમાં કાર અને બાઈક બળીને ખાખ થઈ ગયા હતા. જેને પગલે લોકોમાં ગભરાટ ફેલાઇ ગયો હતો. આગ વધુ પ્રસરે અને વિકરાળ સ્વરૂપ ધારણ કરે તે પહેલાં ફાયર બ્રિગેડ ઘટના સ્થળે પહોંચી ગઇ હતી. હાલ ફાયર બ્રિગેડની બે ટીમ દ્વારા આગ પર કાબુ મેળવ્યો હતો. પ્રથમ શોર્ટ સર્કિટથી શો રૂમના એક જ ભાગમાં આગ લાગેલી. જોકે એકરેલીક ફર્નિચરના કારણે માત્ર 10 મિનિટમાં જ આગ સમગ્ર શો રૂમમાં પ્રસરી ગઈ હતી. અને 25થી વધુ બાઈક બળીને ખાખ થઈ ગયા હતા. આગ લાગી ત્યારે 7 લોકોનો સ્ટાફ શો રૂમમાં હાજર હતો. હાલ દરેકને સલામત સ્થળે ખસેડવામાં આવ્યા છે. કલાકોની જહેમત બાદ ફાયર બ્રિગેડે આગ પર કાબુ મેળવ્યો હતો.
આ પ્રકારના તમામ સમાચાર માટેે
App ડાઉનલોડ કરો.