CBIએ અરવિંદ કેજરીવાલની ધરપકડ કરી:લીકર પોલિસીમાં ભ્રષ્ટાચારના કેસમાં કાર્યવાહી, દિલ્હીના CM આ કેસમાં તિહારમાં પહેલાથી બંધ

દિલ્હીના મુખ્યમંત્રી અરવિંદ કેજરીવાલની CBI દ્વારા ધરપકડ કરવામાં આવી છે. તપાસ એજન્સીએ લિકર પોલિસી કેસમાં ભ્રષ્ટાચારના આરોપમાં તેમની ધરપકડ કરી છે. અગાઉ, ઇડીએ 21 માર્ચે લિકર પોલિસીમાં મની લોન્ડરિંગના આરોપમાં તેમની ધરપકડ કરી હતી. તે છેલ્લા 87 દિવસથી તિહારમાં બંધ છે. જોકે, તે 10 મેથી 2 જૂન સુધી 21 દિવસ માટે પેરોલ પર હતા. CBIએ બુધવારે સવારે કેજરીવાલને રાઉઝ એવન્યુ કોર્ટ (ટ્રાયલ કોર્ટ)માં રજૂ કર્યા હતા, જ્યાં એજન્સીએ તેમની ધરપકડ કરી હતી. સીબીઆઈ 25 જૂને રાત્રે 9 વાગ્યે તિહાર ગઈ હતી અને લિકર પોલિસીમાં ભ્રષ્ટાચાર અંગે કેજરીવાલની પૂછપરછ કરી હતી. નવા કેસમાં ધરપકડ બાદ કેજરીવાલે સુપ્રીમ કોર્ટમાં દાખલ કરેલી જામીન અરજી પાછી ખેંચી લીધી હતી. મની લોન્ડરિંગ કેસમાં નીચલી કોર્ટે 20 જૂને તેમને જામીન આપ્યા હતા. તેમની સામે ED હાઈકોર્ટમાં પહોંચી હતી. 25 જૂને હાઈકોર્ટે નીચલી કોર્ટના નિર્ણયને પલટી નાખ્યો હતો. કેજરીવાલે તેની સામે સુપ્રીમ કોર્ટમાં અરજી કરી હતી. CBI અને EDએ ઓગસ્ટ 2022માં કેસ નોંધ્યા હતા
CBI અને EDએ ઓગસ્ટ 2022માં દિલ્હી લિકર પોલિસી મામલે કથિત અનિયમિતતાઓ અંગે કેસ નોંધ્યા હતા. EDએ કેજરીવાલની 21 માર્ચે લિકર પોલિસી કેસમાં તેમના ઘરેથી ધરપકડ કરી હતી. તેમને 1 એપ્રિલે તિહાર મોકલવામાં આવ્યા હતા. 25 જૂને કેજરીવાલે તિહારમાં 87 દિવસ પૂરા કર્યા.

આ પ્રકારના તમામ સમાચાર માટેે App ડાઉનલોડ કરો.