શ્રીમતી સી.એમ. સુથાર હાઇસ્કુલ જીતપુરમાં કન્યા કેળવણી અને શાળા પ્રવેશોત્સવ કાર્યક્રમ યોજાયો.

આજરોજ શ્રીમતી સી.એમ. સુથાર હાઇસ્કુલ જીતપુરમાં કન્યા કેળવણી અને શાળા પ્રવેશોત્સવ કાર્યક્રમ 2024-25 ની ઉત્સાહભેર ઉજવણી કરવામાં આવી હતી જેમાં સર્વ શિક્ષા અભિયાનના સચિવ શ્રીમહેશભાઈ મહેતા તથા સંસ્થાના પ્રમુખશ્રી શામળભાઈ પટેલ સાહેબ તથા સી.આર.સી કોઓર્ડીનેટર નીરવભાઈ પટેલ તથા ટીંટોઈ બિટ નિરીક્ષક અનુજભાઈ પટેલ સાહેબ તથા કેળવણી મંડળના મંત્રીશ્રી હીરાભાઈ પટેલ તેમજ અન્ય ટ્રસ્ટીશ્રીઓ પણ ઉપસ્થિત રહ્યા હતા. પ્રથમ ક્રમે આવેલ વિદ્યાર્થીઓનું સન્માન કરવામાં આવ્યું હતું. ધોરણ 6, 9 અને 11 ના પ્રવેશપાત્ર બાળકોને પ્રમુખશ્રીએ અને આચાર્યશ્રીએ શૈક્ષણિક કીટ આપી વેલકમ કર્યું હતું અને શુભેચ્છાઓ પાઠવી હતી. 100 ટકા નામાંકન અને કન્યા કેળવણીના ધ્યેયને સિદ્ધ કરવા વરેલી આ સંસ્થામાં આ પ્રવેશોત્સવ કાર્યક્રમનું આયોજન કરવામાં આવેલ હતું. કાર્યક્રમને સફળ બનાવવા માટે સમગ્ર શાળા પરિવારે ભારે જહેમત ઉઠાવી હતી.

જીતેન્દ્ર ભાટીયા,9429180079.
મોડાસા, અરવલ્લી.

આ પ્રકારના તમામ સમાચાર માટેે App ડાઉનલોડ કરો.