બોટાદ જિલ્લા માહિતી કચેરીના સહાયક માહિતી નિયામક રાધિકાબેન વ્યાસનો વિદાય સમારોહ યોજાયો

બોટાદ જિલ્લા માહિતી કચેરી ખાતે ફરજ બજાવતા કર્મનિષ્ઠ અને ઉર્જાવાન એવા સહાયક માહિતી નિયામક રાધિકાબેન વ્યાસનો વિદાય સમારોહ યોજાયો હતો. આ અવસરે ઉપસ્થિત અધિકારીઓ અને કર્મચારીઓએ રાધિકાબેન સાથેના તેમના સંભારણા વ્યક્ત કર્યા હતા. બોટાદ જિલ્લા માહિતી કચેરીના વડા અને સહાયક માહિતી નિયામક તરીકે રાધિકાબેન વ્યાસે બે વર્ષ અને બે મહિના જેટલો યાદગાર સમય વિતાવ્યા બાદ તેમની પ્રાદેશિક માહિતી કચેરી, રાજકોટ ખાતે સહાયક માહિતી નિયામક તરીકે બદલી થઈ છે.

વિદાય સમારોહમાં રાધિકાબેન વ્યાસે બોટાદ ખાતેના તેમના અનુભવો યાદ કર્યા હતા. આ અવસરે બોટાદ જિલ્લા નાયબ ખેતી નિયામક બી.આર.બલદાણીયા, તાલુકા વિકાસ અધિકારી જયરાજસિંહ ગોહિલ, મદદનીશ ખેતી નિયામક કે.બી.રમણા, આર.એફ.વાળા, ખેતીવાડી અધિકારી એચ.ડી.ચૌધરી, એચ.પી. મકવાણા, જિલ્લા માહિતી કચેરી, ભાવનગરના અધિક્ષકશ્રી યુ.જે.બરાળ, માહિતી મદદનીશ કૌશિકભાઈ શિશાંગીયા, જયરાજસિંહ તેમજ બોટાદ જિલ્લા માહિતી પરિવારના સિનિયર ક્લાર્ક ભરતભાઈ દેત્રોજા, માહિતી મદદનીશ હેમાલી ભટ્ટ, કચેરીના કર્મયોગીઓ અમિતભાઈ, નરોત્તમભાઈ, દયારામભાઈ, નરેશભાઈ અને વિજયભાઈ ઉપસ્થિત રહ્યા હતા. કાર્યક્રમનું સંચાલન જલ્પાબેન સાકરીયા દ્વારા કરવામાં આવ્યું હતું.

આ પ્રકારના તમામ સમાચાર માટેે App ડાઉનલોડ કરો.