BRTS રોડ પર બસે પિતા-પુત્રને અડફટે લીધા, પિતાનું મોત

- રાંદેર
રોડ પર રામનગર પાસે - મોરાભાગળ
રહેતા શ્રમિક પરિવારના પિતા-પુત્ર શાકભાજી લેવા નીકળ્યા હતા : ઘટના બાદ અજાણ્યો બસ
ચાલક ફરારસુરત :રાંદેરના
રામનગર ખાતે રવિવારે સાંજે બીઆરટીએસ રોડ પર ચાલતા જતા પિતા અને પુત્રને બસ ચાલક
ટક્કર મારીને નાસી છૂટયો હતો. જેમાં ગંભીર ઈજા થતા પિતાનું મોત થયું હતું. જયારે
ઈજા પામેલા પુત્રને સારવાર માટે સિવિલમાં ખસેડયો હતો.નવી
સિવિલથી મળેલી વિગત મુજબ રાંદેરના મોરાભાગળ ખાતે સુમન શાંતિ બિલ્ડિંગની પાછળ ઝૂપડામાં
રહેતા ૫૫ વર્ષીય શ્રમજીવી વજેસિંગભાઈ કેશાભાઈ નીસરતા તેમજ પુત્ર ઈસેક (ઉ.વ.૨૧)
રવિવારે સાંજે શાકભાજી લેવા નીકળ્યા હતા. તે સમયે રાંદેરના રામનગર ચાર રસ્તા પાસે
બીઆરટીએસ રોડ પર પગપાળા જઈ રહયા હતા.ત્યારે અજાણ્યા બસ ચાલકે બંને ટક્કર મારી હતી.
જેમાં પિતા અને પુત્રને ઈજા થતા સારવાર ૧૦૮ એમ્બ્યુલેન્સમાં નવી સિવિલ
હોસ્પ્ટિલમાં ખસેડાયા હતા. જ્યા ટૂંકી સારવાર દરમિયાન વજેસિંગનું મોત નીપજ્યું
હતું. જયારે પુત્રને દાખલ કર્યો છે.

વજેસિંગભાઇના
પરિવારજનોએ જણાવ્યું હતું વજેસિંગભાઇ અને પુત્ર ઇસેક મજૂરી કામ કરે છે. જોકે તેઓ મુળ
દાહોદના ઝાલોદના વતની છે. રાંદેર પોલીસની તપાસ દરમિયાન પિતા અને પુત્રને
બી.આર.ટી.એસના ચાલકે ટક્કર મારી હોવાનું બહાર આવ્યુ હતું. બસ ચાલક વિરોધ ગુન્હો
નોંધીને કાર્યવાહી શરૃ કરી છે.

આ પ્રકારના તમામ સમાચાર માટેે App ડાઉનલોડ કરો.