નૈનીતાલમાં બસ 100 મીટર ઊંડી ખીણમાં ખાબકી:એક બાળક સહિત 4નાં મોત, 21 ઘાયલ; ભીમતાલ અને હલ્દવાની વચ્ચે અકસ્માત સર્જાયો

ઉત્તરાખંડના નૈનીતાલમાં બુધવારે બપોરે 1.30 વાગ્યે મુસાફરોથી ભરેલી બસ 100 ફૂટ ઊંડી ખીણમાં પડી ગઈ. આ અકસ્માતમાં 4 મુસાફરોનાં મોત થયા હતા. જ્યારે 24 લોકો ઘાયલ થયા છે. મૃતકોમાં એક બાળક, બે મહિલા અને એક પુરુષનો સમાવેશ થાય છે. તમામ 21 ઘાયલોની હલ્દવાનીની સુશીલા તિવારી હોસ્પિટલમાં સારવાર ચાલી રહી છે. ડ્રાઇવર સહિત 12ની હાલત ગંભીર છે. બસમાં 25 લોકો સવાર હતા. આ બસ સવારે લગભગ 5 વાગ્યે પિથોરાગઢથી હલ્દવાની માટે રવાના થઈ હતી. આ અકસ્માત નૈનીતાલના ભીમતાલ વિસ્તારના વોહરા કુનમાં સર્જાયો હતો. રિપોર્ટ્સ અનુસાર રોંગ સાઈડથી આવી રહેલી કારને બચાવવાનો પ્રયાસ કરતી વખતે બસ ખાઈમાં પડી ગઈ. માહિતી મળ્યા બાદ SDRF, ફાયર વિભાગ, સ્થાનિક ટીમ અને સ્થાનિક લોકો ઘટનાસ્થળે પહોંચી ગયા અને બચાવ કાર્ય શરૂ કર્યું. ઘાયલોને દોરડા અને ખભા પર રાખી રોડ પર લાવવામાં આવ્યા હતા. સીએમ પુષ્કર સિંહ ધામીએ દુર્ઘટના પર શોક વ્યક્ત કર્યો છે. અકસ્માતની તસવીરો... ઘટનાની માહિતી મળ્યા બાદ પોલીસ અને સ્થાનિક લોકો બચાવ કામગીરીમાં લાગી ગયા હતા. નૈનીતાલથી ફાયર વિભાગ અને SDRFની ટીમ પણ ઘટનાસ્થળે રવાના થઈ હતી. આ અકસ્માત 4 નવેમ્બરે અલ્મોડામાં થયો હતો
આ વર્ષે 4 નવેમ્બરે ઉત્તરાખંડના અલ્મોડામાં એક મોટી બસ દુર્ઘટના થઈ હતી, જેમાં 38 લોકોનાં મોત થયા હતા. અલ્મોડાના મર્ચુલા પાસે એક ખાનગી બસ ખીણમાં પડી હતી. આ અકસ્માતમાં 36 લોકોના ઘટનાસ્થળે જ મોત થયા હતા. બાદમાં સારવાર દરમિયાન બે લોકોનાં મોત થયા હતા.

આ પ્રકારના તમામ સમાચાર માટેે App ડાઉનલોડ કરો.