BSP નેતા અનુપમ દુબેને 27 વર્ષ જૂના હત્યા કેસમાં SC તરફથી મોટી રાહત, જામીન યથાવત રહેશે

નવી દિલ્હી, તા. 01 ઓગસ્ટ 2022, સોમવારBSP નેતા અનુપમ દુબેને 27 વર્ષ જૂના હત્યા કેસમાં સુપ્રીમ કોર્ટમાંથી મોટી રાહત મળી છે. સુપ્રીમ કોર્ટે અનુપમ દુબેની અલ્હાબાદ હાઈકોર્ટમાંથી મળેલા જામીનને યથાવત રાખ્યા છે. સુપ્રીમ કોર્ટે અનુપમ દુબેના જામીનને પડકારતી યુપી સરકારની અરજીને ફગાવી દીધી હતી. યુપી સરકારે ફતેહગઢમાં કોન્ટ્રાક્ટર શમીમ હત્યા કેસમાં બસપા નેતા અનુપમ દુબેને અલ્હાબાદ હાઈકોર્ટ દ્વારા આપવામાં આવેલ જામીનને સુપ્રીમ કોર્ટમાં પડકારવામાં આવ્યો હતો.સુપ્રીમ કોર્ટે પોતાની ટિપ્પણીમાં યુપી સરકારને પૂછ્યું કે શું થઈ રહ્યું છે 1999માં ચાર્જશીટ દાખલ કરવામાં આવી હતી અને આ કેસ 1995નો છે. યુપી સરકાર તરફથી એડિશનલ સોલિસિટર જનરલ સૂર્યપ્રકાશ વી. રાજુએ અલાહાબાદ હાઈકોર્ટ દ્વારા અનુપમ દુબેને આપવામાં આવેલ જામીન રદ્દ કરવા માટે સુપ્રીમ કોર્ટમાં માંગ કરી હતી. અગાઉ આઝમગઢ અને રામપુર લોકસભા પેટાચૂંટણીના પરિણામોના એક દિવસ બાદ ફર્રુખાબાદમાં વહીવટીતંત્રે અનુપમ દુબેની 4.5 કરોડની આલીશાન હોટલને તાળા મારીને સીલ કરી દીધી હતી.ASG રાજુએ સુપ્રીમ કોર્ટને કહ્યું હતું કે, આ હત્યા સાથે જોડાયેલો મામલો છે. અનુપમ દુબે યુપીનો મોટો ગેંગસ્ટર છે. તે કેસની સુનાવણીમાં વિલંબ માટે જવાબદાર છે. કન્નૌજ જિલ્લો સમધન નિવાસી લાકડાના કોન્ટ્રાક્ટર શમીમ ખાનની 26 જુલાઈ 1995ના રોજ ફતેહગઢ કોતવાલી વિસ્તારના મોહલ્લા કસરાટ્ટા પાસે ગોળી મારીને હત્યા કરવામાં આવી હતી. ગુરસાહાઈગંજ કોતવાલીમાં તૈનાત તત્કાલીન ઈન્સ્પેક્ટર રામ નિવાસ યાદવની કાનપુરના રાવતપુર સ્ટેશન પાસે 1996માં ગોળી મારીને હત્યા કરવામાં આવી હતી.પોલીસે શમીમ હત્યા કેસમાં 14 જુલાઈ 1999ના રોજ બસપા નેતાઓ અનુપમ દુબે, શિશુ અને રાજુ લંગરા વિરુદ્ધ અલ્હાબાદ હાઈકોર્ટમાં ચાર્જશીટ દાખલ કરી હતી. આ બંને કેસમાં આરોપી બસપા નેતા ડો. અનુપમ દુબે મૈનપુરી જેલમાં બંધ હતા જેઓ હાલ જામીન પર બહાર છે.

આ પ્રકારના તમામ સમાચાર માટેે App ડાઉનલોડ કરો.