ભાણેજના ઝઘડામાં વચ્ચે પડતાં નરેન્દ્રસિંહ રાણા પર ત્રણ શખ્સોનો હુમલો
શહેરનાં લક્ષમણ ટાઉનશીપમાં રહેતાં નરેન્દ્રસિંહ રાણા તેના ભાણેજના ઝઘડામાં વચ્ચે પડતાં ત્રણ શખ્સોએ પથ્થરો મારી હુમલો કર્યો હતો. હાલ તેઓ રાજકોટ સિવિલ હોસ્પિટલમાં સારવાર હેઠળ છે.
બનાવની વિગત મુજબ ફરિયાદી નરેન્દ્રસિંહ જુવાનસિંહ રાણા (ઉ.વ.51, રહે. લક્ષમણ ટાઉન શીપ બી- 216 જીવરાજપાર્ક સામે) એ ફરિયાદમાં જણાવ્યું હતું કે પોતે ભુણાવા પાસે શક્તિમાન કંપનીમાં મશીન ઓપરેટર તરીકે નોકરી કરે છે. ગઈ કાલ સાંજના સાડા છ વાગ્યાની આસપાસ પોતે લક્ષમણ ટાઉનશીપના ગેઈટ પાસે આવેલ ફલોર મીલની દુકાને બેઠો હતો.
ત્યારે તેનો ભાણેજ જયદેવસિંહ જાડેજા દુકાને સામાન લેવા આવેલ. અને દુકાને બેઠેલ મિલન ખખ્ખર કોઈ કારણોસર મારા ભાણેજ જયદેવસિંહ જાડેજા સાથે બોલાચાલી કરી ઝઘડો કરવા લાગેલ. જેથી હું ત્યા તુરંત ગયેલ. અને મિલન ખખ્ખર નશામાં હોય તેવુ જણાતાં હું વચ્ચે પડી તેને રોકવા જતા મિલન ખખ્ખર મારી સાથે પણ ઝઘડો કરવા લાગેલ અને તેની સાથે આવેલ દર્શન નામનો શખ્સ તથા અન્ય શખ્સ મારી સાથે ઝઘડો કરવા લાગેલ.
રોડ ઉપર પડેલ પથરો ઉપાડી આ ત્રણેય છુટ્ટા ઘા કરવા લાગેલ. ત્યારે મને અને મારા ભાણેજ જયદેવસિંહ તેમજ મારી પત્નિ પ્રફુલાબાને પણ પથ્થર વાગેલ. બાદ માણસો ભેગાં થઈ જતાં આ બધાં નાસી ગયેલ. અને જતાં જતાં જાનથી મારી નાખવાની ધમકી આપેલ. બાદ 108 મારફત મને અને મારી પત્નીને સારવાર અર્થે રાજકોટ સિવિલ હોસ્પિટલમાં ખસેડવામાં આવ્યા હતા. જ્યાં સારવાર હેઠળ છે. બનાવ અંગે રાજકોટ તાલુકા પોલીસે ત્રણેય શખ્સો સામે ગુનો નોંધી કાર્યવાહિ કરી હતી.
9879405838
આ પ્રકારના તમામ સમાચાર માટેે
App ડાઉનલોડ કરો.