ઊંધી સૂતેલી મહિલાઓ પર ચાલે છે પૂજારી, VIDEO:ખુલ્લા વાળ, હાથમાં નારિયેળ અને પૂજાસામગ્રી; સંતાન પ્રાપ્તિની અનોખી માન્યતા, મહિલાઓની લાગે છે લાઈન

છત્તીસગઢના ધમતરીમાં આવેલા અંગારમોતી માતા મંદિર પરિસરમાં સેંકડો મહિલાઓ પર બૈગા (મધ્યપ્રદેશ, છત્તીસગઢ અને ઝારખંડ રાજ્યોમાં જોવા મળતી એક જાતિ)નો ચાલવાનો એક વીડિયો સામે આવ્યો છે. એવું માનવામાં આવે છે કે બૈગા પર માતા અંગારમોતીનો વાસ છે. બૈગાના પગ જેના પર પડે છે એ સ્ત્રીનો ખાલી ખોળો ભરાઈ જાય છે. માતાના દરબારમાં અન્ય રાજ્યોમાંથી પણ મોટી સંખ્યામાં મહિલાઓ આવે છે. વીડિયોમાં જોઈ શકાય છે કે નિઃસંતાન મહિલાઓ લીંબુ, નારિયેળ અને અન્ય પૂજાસામગ્રી લઈને જમીન પર ઊંધાં સૂઈ જાય છે. બૈગાઓ ધ્વજ અને બેનરો લઈને તેમની ઉપર ચાલી રહ્યા છે. આ મડઈ મેળામાં 52 ગામોના દેવી-દેવતાઓ, ડાંગ, દોરી, બૈગા, સિરહા અને ગાયતાના પૂજારીઓ પહોંચ્યા હતા. સ્ત્રીઓ તેમની મનોકામના પૂર્ણ થાય ત્યારે ફળ અર્પણ કરે છે
આદિશક્તિ મા અંગારમોતી માતા ધમતરીના ગંગરેલમાં બિરાજમાન છે. અહીં દૂર દૂરથી ભક્તો આવે છે. પ્રથમ વખત સમગ્ર જિલ્લામાં ગંગરેલ માતા અંગારમોતી માતાના આંગણે મેળાનું આયોજન કરવામાં આવ્યું છે, જેમાં માત્ર છત્તીસગઢથી જ નહીં પરંતુ અન્ય રાજ્યોમાંથી પણ ભક્તો આવે છે. મનોકામના પૂર્ણ થયા બાદ મહિલાઓ પોતાની ઈચ્છા મુજબ ફળ ચઢાવે છે. શું છે માન્યતાઃ એવી માન્યતા છે કે જો નિઃસંતાન મહિલાઓને માતા અંગારમોતીના આશીર્વાદ મળે તો તેમના આંગણે ચોક્કસથી કિલકારીઓ ગુંજી ઊઠે છે. પરંતુ આ આશીર્વાદ માટે અહીં પ્રચલિત પરંપરાનું પાલન કરવું પડશે. આ માટે નિઃસંતાન મહિલાઓ વહેલી સવારે મંદિરે આવે છે. મહિલાએ તેના વાળ ખુલ્લા રાખવા પડે છે. વ્રત રાખવાનું હોય છે. આ મહિલાઓ હાથમાં નાળિયેર- પૂજાસામગ્રી લઈને રાહ જોતી રહે છે. જ્યારે મુખ્ય પૂજારી પૂજા કર્યા બાદ મંદિર તરફ આવે છે. આ સમયે એવું કહેવાય છે કે માતા અંગારમોતી બૈગા પર સવાર હોય છે. જેમ જેમ બૈગા મંદિર તરફ આગળ વધે છે. બધી મહિલાઓ રસ્તા પર ઊંધી સૂઈ જાય છે. બૈગા આ મહિલાઓ પર ચાલીને મંદિરે પહોંચે છે. કહેવાય છે કે જે મહિલાઓ પર બૈગાના પગ પડે છે. તેનો ખોળો ચોક્કસપણે ભરાય છે અને તેના ઘરનું આંગણું કિલકારીઓથી ગુંજી ઊઠે છે. વહેલી સવારથી જ મહિલાઓ આવી પહોંચે છે પોતાની માનતા પૂરી કરવા આવેલી મહિલાઓ સવિતા સાહુ, દુર્ગા કશ્યપ, સુનિતા દેવાંગન, પૂજા અને નંદનીનું કહેવું છે કે મા અંગારમોતી માતા વિશે સાંભળીને તેઓ પણ માતાના દરબારમાં પહોંચી છે. સવારે 4 થી સાંજના 6 વાગ્યા સુધી મનોકામના માટે ઊભાં રહ્યાં. મોટાભાગની મહિલાઓના લગ્નને 3 વર્ષ થઈ ગયાં છે, પરંતુ તેમને સંતાન નથી. બૈગા પર માતાનો વાસ છે મા અંગારમોતી માતા ટ્રસ્ટના સભ્ય જયપાલ સિંહ ધ્રુવ કહે છે કે આ પરંપરા સદીઓથી ચાલી આવે છે. પૂજારી પર માતા અંગારમોતીનો વાસ છે. ગંગરેલમાં માતાની સ્થાપના થઈ ત્યારથી આ કાર્યક્રમનું આયોજન કરવામાં આવે છે. સેંકડો મહિલાઓ માનતા રાખવા આવે છે જયપાલ સિંહ ધ્રુવે જણાવ્યું કે દિવાળી પછીના પહેલા શુક્રવારે મહિલાઓ સંતાન પ્રાપ્તિ માટે માનતા રાખે છે, કારણ કે આ દિવસનું વિશેષ મહત્ત્વ છે, જેના કારણે સેંકડો મહિલાઓ માનતા રાખવા આવે છે. ગેંગરેલના નિર્માણ પછી ફરી થઈ સ્થાપના મા અંગારમોતી માતા ટ્રસ્ટના સભ્ય શિવચરણ નેતામ કહે છે કે પહેલાં માતાનું નિવાસસ્થાન દુબનના ચાવર ગામમાં હતું. જ્યારે ગંગરેલ ડેમ બનાવવામાં આવ્યો હતો, તે સમયે 52 ગામોનાં દેવી-દેવતાઓએ વિનંતી કરી હતી અને અહીં તેમની સ્થાપના કરી હતી, ત્યારબાદ માતાની માન્યતા વધારે ને વધારે વધતી ગઈ છે. મા અંગારમોતીનું મંદિર ક્યાં આવેલું છે? અંગારમોતી માતાનું મંદિર છત્તીસગઢના ધમતરી જિલ્લામાં ગંગરેલ ડેમના કિનારે, જિલ્લાથી માત્ર 13 કિમીના અંતરે આવેલું છે. જ્યાં તમે મુસાફરીના કોઈપણ માધ્યમથી સરળતાથી પહોંચી શકો છો. તે રાયપુરથી 93 કિલોમીટરના અંતરે છે. આ મંદિર આસ્થાનું કેન્દ્ર છે. અહી દરરોજ સેંકડો ભક્તો માતા અંગારમોતીનાં દર્શન કરવા આવે છે. અંગારમોતી માતા કોના પુત્રી છે? ધમતારી જિલ્લામાં આદરણીય અંગારમોતી માતા ઋષિ અંગિરાનાં પુત્રી છે, જે અગાઉ સિહાવા નજીક ગથુલા ખાતે રહેતાં હતાં. હાલમાં ગેંગરેલ ડેમના કિનારે બિરાજમાન છે.

આ પ્રકારના તમામ સમાચાર માટેે App ડાઉનલોડ કરો.