વેસ્ટર્ન રેલવેના જનરલ મેનેજરે ભાવનગર ડિવિઝનના 3 કર્મચારીઓને રેલવે સંરક્ષામાં ઉત્કૃષ્ટ કામગીરી બદલ સન્માનિત કર્યા

વેસ્ટર્ન રેલવેના જનરલ મેનેજર શ્રી અશોક કુમાર મિશ્રએ ભાવનગર ડિવિઝનના ત્રણ કર્મચારીઓને સલામતી ક્ષેત્રે ઉત્કૃષ્ટ કામગીરી કરવા બદલ જૂન-2024 માટે “મેન ઓફ ધ મંથ” એવોર્ડથી સન્માનિત કર્યા છે. સોમવારે પશ્ચિમ રેલવેના મુખ્ય મથક ચર્ચગેટ ખાતે આ એવોર્ડ સમારોહ યોજાયો હતો.ભાવનગર ડિવિઝનના સીનીયર ડીસીએમ શ્રી માશૂક અહમદના જણાવ્યા મુજબ, પશ્ચિમ રેલ્વેના જનરલ મેનેજર શ્રી અશોક કુમાર મિશ્રએ શ્રી હિમાંશુ ચાવલા (પોઈન્ટ્સમેન-પીપાવાવ), શ્રી અનુરાગ સિંહ (પોઈન્ટ્સમેન-રાજુલા સીટી) અને શ્રી ભરત જી ઠાકોર (ટેકનિશિયન-વેરાવળ) ને મેડલ અને મેરિટ સર્ટીફિકેટથી સન્માનિત કર્યા છે. ભાવનગર ડિવિઝનના ડિવિઝનલ રેલ્વે મેનેજર શ્રી રવીશ કુમારે ઉપરોક્ત તમામ કર્મચારીઓને જીએમ એવોર્ડ પ્રાપ્ત કરવા બદલ અભિનંદન પાઠવ્યા હતા અને તેમની પ્રશંસા કરી હતી અને ભવિષ્યમાં પણ ઉત્કૃષ્ટ કામગીરી કરતા રહેવા પ્રોત્સાહિત કર્યા હતા.

આ પ્રકારના તમામ સમાચાર માટેે App ડાઉનલોડ કરો.