આજે ખડગે અને ગોવાના CMના સામાનનું ચેકિંગ:શિંદે-અજીત-ગડકરી સહિત NDA-INDI ગઠબંધનના અનેક નેતાઓની તપાસ કરવામાં આવી, ફડણવીસે કહ્યું હતું- આમાં ખોટું શું છે

મહારાષ્ટ્ર વિધાનસભા ચૂંટણીને ધ્યાનમાં રાખીને ચૂંટણી પંચના અધિકારીઓએ ગુરુવારે કોંગ્રેસ અધ્યક્ષ મલ્લિકાર્જુન ખડગેની બેગની તપાસ કરી હતી. તેની વિડિયોગ્રાફી પણ કરવામાં આવી હતી. તેઓ નાસિક જિલ્લામાં ચૂંટણી પ્રચાર માટે આવ્યા હતા. મહારાષ્ટ્ર કોંગ્રેસ અધ્યક્ષ નાના પટોલેના હેલિકોપ્ટર અને બેગની આજે ચૂંટણી અધિકારીઓ દ્વારા તપાસ કરવામાં આવી હતી. તિરોરા હેલિપેડ પર હેલિકોપ્ટરની તપાસ કરવામાં આવી હતી. પટોલે ગોરેગાંવ વિધાનસભા સીટ પરથી એનસીપી (એસપી) ઉમેદવાર માટે પ્રચાર કરવા જઈ રહ્યા હતા. બીજી તરફ ગોવાના મુખ્યમંત્રી ડો.પ્રમોદ સાવંતના સામાનની પણ કરાડ એરપોર્ટ પર તપાસ કરવામાં આવી હતી. એક દિવસ પહેલા બુધવારે સીએમ એકનાથ શિંદેના સામાનની તપાસ કરવામાં આવી હતી. તેઓ ચૂંટણી પ્રચાર માટે રાજ્યના પાલઘર શહેરમાં ગયા હતા. આ દરમિયાન શિંદેએ અધિકારીને કહ્યું- તેમાં કપડાં છે… અધિકારીએ હા પાડી. આ પછી શિંદેએ કહ્યું- કપડા છે, યુરિન પોટ વગેરે નથી. શિંદેની આ ટિપ્પણી ઉદ્ધવના નિવેદન પર ટોણો હતો. આ સિવાય કેન્દ્રીય મંત્રી રામદાસ આઠવલેના હેલિકોપ્ટરની પણ તપાસ કરવામાં આવી હતી. ખરેખરમાં, 11 અને 12 નવેમ્બરના રોજ હેલિપેડ પર ઉદ્ધવ ઠાકરેના સામાનની પણ બે વાર તપાસ કરવામાં આવી હતી. ત્યારપછી ઉદ્ધવે તેનો વીડિયો શેર કર્યો હતો, જેમાં તેઓ કહેતા હતા - મારી બેગ તપાસો, પરંતુ હવે મને તમે લોકો મોદીની બેગ ચેક કરતા હોવાનો વીડિયો જોઈએ છે. ત્યાં તમારી પૂંછડી પટપટાવતા નહીં. આ પછી, મંગળવારે લાતુરમાં EC દ્વારા નીતિન ગડકરીની બેગની તપાસ કરવામાં આવી હતી. હાલમાં મહારાષ્ટ્રના ડેપ્યુટી સીએમ દેવેન્દ્ર ફડણવીસ અને અજિત પવારના હેલિકોપ્ટરની પણ તપાસ કરવામાં આવી છે. ભાજપે બુધવારે જ ફડણવીસના હેલિકોપ્ટર તપાસનો વીડિયો પણ જાહેર કર્યો હતો. શિંદે-આઠવલેના સામાનના ચેકિંગની તસવીરો... ફડણવીસે કહ્યું- મારી બેગ પણ તપાસવામાં આવી, તેમાં ખોટું શું છે 12 નવેમ્બરે લાતુરમાં કેન્દ્રીય મંત્રી નીતિન ગડકરીની બેગની તપાસ કરવામાં આવી હતી. તેઓ ઔસા વિધાનસભાથી ભાજપના ઉમેદવાર અભિમન્યુ પવારના પ્રચાર માટે આવ્યા હતા. 5 નવેમ્બરે કોલ્હાપુરમાં ફડણવીસની બેગની તપાસ કરવામાં આવી હતી. અજિત પવારે પોતે વીડિયો જાહેર કર્યો અને કહ્યું કે ચૂંટણી પ્રચાર દરમિયાન તેમની બેગ EC અધિકારીઓ દ્વારા ચેક કરવામાં આવી હતી. દેવેન્દ્ર ફડણવીસે કહ્યું, "કોલ્હાપુરમાં મારી બેગની તપાસ કરવામાં આવી હતી, ત્યાર બાદ 7 નવેમ્બરે પણ તેમની તપાસ કરવામાં આવી હતી. ઉદ્ધવ તપાસનો વિરોધ કરીને લોકોનું ભટકાવી રહ્યા છે, તેઓ બૂમો પાડીને મત મેળવવા માંગે છે. બેગ ચેકિંગમાં ​​​​​​​ખોટું શું છે? ચૂંટણી પ્રચાર દરમિયાન અમારી બેગ પણ તપાસવામાં આવે છે, પરંતુ કેટલાક લોકોને ડ્રામા કરવાની આદત છે. અજિત પવારે કહ્યું- લોકશાહી માટે કાયદાનું સન્માન જરૂરી છે NCP નેતા અજિત પવારે કહ્યું, "આજે ચૂંટણી પ્રચાર દરમિયાન મારી બેગની તપાસ કરવામાં આવી હતી. ચૂંટણી પંચના અધિકારીઓ મારા હેલિકોપ્ટર પર નિયમિત ચેકઅપ માટે પણ આવ્યા હતા. મેં સંપૂર્ણ સહકાર આપ્યો હતો. હું માનું છું કે નિષ્પક્ષ ચૂંટણી માટે આવી પ્રક્રિયા જરૂરી છે. આપણે કાયદાનું સન્માન કરવું જોઈએ. ઉદ્ધવે કહ્યું- મોદીની બેગ પણ ચેક કરજો, ​​​​​​ત્યાં પૂંછડી ન પટપટાવતા ​​​​​​​ ચૂંટણી પંચની કાર્યવાહી પર ઉદ્ધવ ઠાકરે રોષે ભરાયા હતા. તેમણે મંગળવારે કહ્યું- 'ગઈ વખત જ્યારે પીએમ મોદીના હેલિકોપ્ટરની તપાસ કરવામાં આવી ત્યારે ઓડિશામાં એક અધિકારીને સસ્પેન્ડ કરવામાં આવ્યા હતા. તમે મારી બેગ તપાસી, કોઈ વાંધો નથી, પરંતુ મોદી અને શાહની બેગ પણ તપાસવી જોઈએ. ઉદ્ધવે બેગ ચેક કરતા અધિકારીઓનો વીડિયો બનાવ્યો અને તેને સોશિયલ મીડિયા પર શેર કર્યો. વીડિયોમાં ઉદ્ધવ અધિકારીઓને- મોદી-શાહની બેગ પણ ચેક કરવા જણાવ્યું હતું. મારી બેગ ચેક કરી લો, પરંતુ હવે મને તમે લોકો મોદીની બેગ ચેક કરતા હોવાનો વીડિયો જોઈએ છે. ત્યાં તમારી પૂંછડી પટપટાવતા નહીં. તમારે જે ચેક કરવું હોય તે કરીલો. હું આ વીડિયો જાહેર કરી રહ્યો છું. ઉદ્ધવના આરોપો પર ચૂંટણી પંચે કહ્યું- '2024ની લોકસભા ચૂંટણી દરમિયાન શાસક પક્ષના અગ્રણી નેતાઓના હેલિકોપ્ટરની તપાસ કરવામાં આવી હતી. 24 એપ્રિલ 2024ના રોજ બિહારના ભાગલપુર જિલ્લામાં બીજેપીના રાષ્ટ્રીય અધ્યક્ષ જેપી નડ્ડાના હેલિકોપ્ટરની તપાસ કરવામાં આવી હતી અને 21 એપ્રિલ, 2024ના રોજ બિહારના કટિહાર જિલ્લામાં કેન્દ્રીય ગૃહમંત્રી અમિત શાહના હેલિકોપ્ટરની તપાસ કરવામાં આવી હતી. ઉદ્ધવ ઠાકરે અને તપાસ અધિકારી વચ્ચે વાતચીત ઉદ્ધવ: તમારું નામ શું છે? અધિકારીઃ મારું નામ અમોલ છે. ઉદ્ધવ ઠાકરેઃ તમે ક્યાંના રેહવાસી છો? અધિકારીઃ હું અમરાવતીનો રહેવાસી છું. ઉદ્ધવઃ અમરાવતી તો ઠીક છે..પણ અત્યાર સુધી તમે કોની-કોની બેગ ચેક કરી છે? મારી પહેલા કયા નેતાઓની બેગ તપાસવામાં આવી? અધિકારીઃ મેં આ પહેલા ક્યારેય કોઈની સાથે આવું કર્યું નથી, મને માત્ર 4 મહિના જ થયા છે. ઉદ્ધવઃ તમે 4 મહિનામાં એક પણ બેગ તપાસી નથી. હું જ તમને મળ્યો પ્રથમ કસ્ટમર? અધિકારીઃ ના સર... એવું કંઈ નથી. ઉદ્ધવ: ના, તમે મારી બેગ તપાસો, હું તમને રોકીશ નહીં. તમે મારી બેગ તપાસ કરતા મને કહો કે તમે હજુ સુધી મિંધે (એકનાથ શિંદે)ની બેગ ચેક કરી છે? શું તમે દેવેન્દ્ર ફડણવીસ, અજિત પવાર, મોદી, અમિત શાહની બેગ ચેક કરી છે? અધિકારીઃ નથી કરી, મને તક નથી મળી. ઉદ્ધવ: જ્યારે મોદી આવે,ત્યારે તેમની બેગ તપાસતા હોવાનો વીડિયો મને મોકલજો. ત્યાં તમારી પૂંછડી પટપટાવતા નહીં. ફ્યૂલની ટાંકી પણ ચેક કરવા માંગો છો? અધિકારીઃ ના સાહેબ. બેગ ચેક કર્યા બાદ AAP સાંસદે કહ્યું- જનતા ચોક્કસ બદલો લેશે AAP સાંસદ સંજય સિંહે કહ્યું- બાળાસાહેબ ઠાકરેની પાર્ટી સાથે દુર્વ્યવહાર કરવાની મહારાષ્ટ્રમાં કોઈની હિંમત નહોતી, પાર્ટીના નેતા ઉદ્ધવ ઠાકરે સાથે જે રીતે ગેરવર્તન કરવામાં આવ્યું, મહારાષ્ટ્રના લોકો તેનો પાઠ ભણાવશે. સંજય સિંહે કહ્યું- શું ઉદ્ધવ ઠાકરેને પ્રચાર કરવાની મંજૂરી નથી? શું તેઓ તેમના ઉમેદવારો માટે પ્રચાર ન કરી શકે? શું ક્યારેય અમિત શાહના હેલિકોપ્ટરની તપાસ કરવામાં આવી હતી? શું ક્યારેય નરેન્દ્ર મોદીના હેલિકોપ્ટરની તપાસ કરવામાં આવી હતી? તમે વિરોધને દબાવવા માંગો છો. લોકસભા ચૂંટણીમાં ભાજપ 23થી ઘટીને 9 બેઠકો પર આવી ગયું લોકસભા ચૂંટણીમાં મહારાષ્ટ્રની 48 બેઠકોમાંથી ભારત ગઠબંધનને 30 અને NDAને 17 બેઠકો મળી હતી. જેમાં ભાજપને 9, શિવસેનાને 7 અને NCPને માત્ર 1 સીટ મળી છે. ભાજપે 23 બેઠકો ગુમાવી છે. 2019ની લોકસભા ચૂંટણીમાં NDAને 41 બેઠકો મળી હતી જ્યારે 2014માં તેને 42 બેઠકો મળી હતી. લોકસભા ચૂંટણી અનુસાર ભાજપની હારનો અંદાજ જો મહારાષ્ટ્ર વિધાનસભાની ચૂંટણીમાં લોકસભા ચૂંટણી જેવો ટ્રેન્ડ રહેશે તો ભાજપને નુકસાન થશે. ભાજપ લગભગ 60 બેઠકો સુધી ઘટી જશે. તે જ સમયે વિપક્ષી ગઠબંધનના સર્વેમાં MVAને 160 બેઠકો મળવાનો અંદાજ છે. ભાજપ માટે મરાઠા આંદોલન સૌથી મોટો પડકાર છે. આ સિવાય શિવસેના અને એનસીપીમાં ભાગલા બાદ લોકોને ઉદ્ધવ ઠાકરે અને શરદ પવાર પ્રત્યે સહાનુભૂતિ છે. વિધાનસભા ચૂંટણી- 2019 2019માં ભાજપ-શિવસેનાનું ગઠબંધન હતું. ભાજપે 105 અને શિવસેનાએ 56 બેઠકો જીતી હતી. ગઠબંધનમાંથી એનસીપીને 54 અને કોંગ્રેસને 44 બેઠકો મળી હતી. ભાજપ-શિવસેના આસાનીથી સત્તામાં આવી ગયા હોત, પરંતુ મતભેદના કારણે ગઠબંધન તૂટી ગયું. 23 નવેમ્બર, 2019 ના રોજ ફડણવીસે મુખ્યમંત્રી અને અજિત પવારે નાયબ મુખ્યમંત્રી તરીકે શપથ લીધા. જો કે, બંનેએ બહુમત પરીક્ષણ પહેલા 26 નવેમ્બરે રાજીનામું આપી દીધું હતું. 28 નવેમ્બરે શિવસેના (અવિભાજિત), NCP (અવિભાજિત) અને કોંગ્રેસની મહાવિકાસ અઘાડી સત્તા પર આવી. આ પછી, શિવસેના (અવિભાજિત) અને NCP (અવિભાજિત) વચ્ચે વિભાજન થયું અને આ બંને પક્ષો ચાર જૂથોમાં વહેંચાઈ ગયા. તેમ છતાં શરદ પવાર અને ઉદ્ધવ ઠાકરેને લોકસભાની ચૂંટણીમાં ફાયદો થયો. હવે આ પૃષ્ઠભૂમિ પર વિધાનસભાની ચૂંટણી પણ યોજાઈ રહી છે.

આ પ્રકારના તમામ સમાચાર માટેે App ડાઉનલોડ કરો.