મહારાષ્ટ્રમાં ચૂંટણી પહેલાં જ કોંગ્રેસને મોટો ફટકો:બાબા સિદ્દીકીના પુત્ર ઝીશાન NCP-અજિત જૂથમાં જોડાયા; બાંદ્રા ઈસ્ટથી ઇલેક્શન લડશે

મહારાષ્ટ્રમાં વિધાનસભાની ચૂંટણી પહેલાં પક્ષપલટાનો દોર જારી રહ્યો છે. બાબા સિદ્દીકીના પુત્ર ઝીશાન 25 ઓક્ટોબરે કોંગ્રેસ છોડીને NCP (અજિત જૂથ)માં જોડાયા હતા. પાર્ટીએ તેમને બાંદ્રા ઈસ્ટથી પોતાના ઉમેદવાર બનાવ્યા છે. ઝીશાન 2019માં કોંગ્રેસની ટિકિટ પર ધારાસભ્ય બન્યા હતા. NCPમાં જોડાયા બાદ ઝીશાને કહ્યું, 'મારા અને મારા પરિવાર માટે આ ભાવનાત્મક ક્ષણ છે. હું અજિત પવાર, પ્રફુલ પટેલ, સુનીલ તટકરેનો મારા પર વિશ્વાસ વ્યક્ત કરવા બદલ આભાર માનું છું. હું બાંદ્રા ઈસ્ટથી નોમિનેશન ફાઈલ કરીશ. મને વિશ્વાસ છે કે મને લોકોનો પ્રેમ અને વિશ્વાસ મળશે. હું બાંદ્રા ઈસ્ટથી ફરી જીતીશ.' કોંગ્રેસે કરાડ દક્ષિણથી પૃથ્વીરાજ ચવ્હાણ અને અમરાવતીથી સુનીલ દેશમુખને ટિકિટ આપી
કોંગ્રેસે ગુરુવારે રાત્રે મહારાષ્ટ્ર વિધાનસભા ચૂંટણી માટે 48 ઉમેદવારોની પ્રથમ યાદી જાહેર કરી. કરાડ દક્ષિણથી પૃથ્વીરાજ ચવ્હાણને ઉમેદવાર બનાવવામાં આવ્યા છે. નાગપુર દક્ષિણ પશ્ચિમથી ડેપ્યુટી સીએમ દેવેન્દ્ર ફડણવીસ સામે પ્રફુલ વિનોદરાવ ગદધેને ટિકિટ આપવામાં આવી છે. જ્યારે પૂર્વ સીએમ વિલાસરાવ દેશમુખના બે પુત્રોને ટિકિટ આપવામાં આવી છે. લાતુરથી અમિત દેશમુખ અને લાતુર ગ્રામીણમાંથી ધીરજ દેશમુખને ઉમેદવાર બનાવવામાં આવ્યા છે. 20મી નવેમ્બરે એક તબક્કાની ચૂંટણી, 23મી નવેમ્બરે પરિણામ
મહારાષ્ટ્ર વિધાનસભાનો કાર્યકાળ 26 નવેમ્બર 2024ના રોજ સમાપ્ત થાય છે. મહારાષ્ટ્રમાં મહાયુતિ એટલે કે શિવસેના, ભાજપ અને NCP અજિત પવાર જૂથની સરકાર છે. સત્તા વિરોધી અને છ મોટા પક્ષો વચ્ચે મતોનું વિભાજન સાધના પાર્ટી માટે મોટો પડકાર હશે.

આ પ્રકારના તમામ સમાચાર માટેે App ડાઉનલોડ કરો.