હિંમતનગરમાથી પસાર થતા નેશનલ હાઈવે પર ગામડી ગામ નજીક કન્ટેનરમાં આગ લાગી

છેલ્લા થોડા દિવસોથી સાબરકાંઠા જિલ્લામાં ભીષણ ગરમી પડતાં ધરતી અંગારો બની ગઈ છે. ત્યારે હિંમતનગર-શામળાજી નેશનલ હાઈવે નં.૮ ઉપર ગત રાત્રે દોડતા કન્ટેનરમાં અચાનક આગ લાગતા આખા કન્ટેનરમા આગ લાગી હતી. આગ બુજાવવા માટે ફાયર બ્રિગેડની મદદ લેવામાં આવી હતી અને ગણતરીના કલાકોમાં આગ ઉપર કાબુ મેળવાયો હતો.
નેશનલ હાઈવે  પર ગામડી ગામ પાસેથી પસાર થઈ રહેલા કન્ટેનરમાં અચાનક આગ લાગતાં તાત્કાલિક હાઈવે ટ્રાફીક ને મોબાઈલ ફોનથી જાણ કરવામાં આવી હતી અને ગણતરીની મિનીટોમાં ઘટના સ્થળે પહોંચ્યા પછી ફાયર બ્રિગેડની મદદ લેવામાં આવી હતી. આખુ કન્ટેનર આગમાં બળી ગયુ હતું. સદનસીબે કોઇ જાનહાનિ થઈ નથી. કન્ટેનરમાં સીરામીક ઉદ્યોગ માટે માટી લઈ જવાતી હોવાનું તપાસમાં બહાર આવ્યું છે. કન્ટેનરનો જોઈન્ટ તૂટ્યા પછી વાહનમાં આગ લાગ્યાનું પ્રાથમિક અનુમાન છે. ગાંભોઈ પોલીસનો સંપર્ક કરતાં તેઓએ જણાવ્યું કે કોઈપણ વાહનમાં આગ લાગ્યા બાબતની જાણકારી અમારી પાસે નથી.

રિપોર્ટર સદ્દામ મનસુરી

આ પ્રકારના તમામ સમાચાર માટેે App ડાઉનલોડ કરો.