ભારતીય મૂળની પત્ની, એક પુસ્તકે જીવન બદલ્યું…:એક સમયે કહેતા હતા ‘I Hate Trump’; આજે એ જ જેડી વેલ્સને ટ્રમ્પે બનાવ્યા ઉપરાષ્ટ્રપતિ

ડોનાલ્ડ ટ્રમ્પે સોમવારે ઓહાયો સેનેટર જેડી વેન્સને તેમના ઉપરાષ્ટ્રપતિ પદના ઉમેદવાર તરીકે જાહેર કર્યા છે. ટ્રમ્પે તેમના ઉપરાષ્ટ્રપતિ પદના ઉમેદવાર તરીકે એક એવી વ્યક્તિને પસંદ કરી છે જે એક સમયે તેમના ટીકાકાર હતા. પરંતુ પાછળથી તે તેનો સહયોગી બન્યા. ઉપરાષ્ટ્રપતિ પદના ઉમેદવાર બનવા સિવાય જેડી વેન્સની બીજી અનેક અલગ ઓળખ છે. તેઓ ઓહાયોથી સીનેટર છે. જેડી વેલ્સ લેખક, રોકાણકાર અને ડોનાલ્ડ ટ્રમ્પના આલોચક રહી ચૂક્યા છે. જેડી વેલ્સની પત્નીનો સંબંધ ભારત સાથે છે. વેન્સનું ભારત સાથે કનેક્શન
જેડી વેન્સે ભારતીય મૂળની ઉષા ચિલુકુરી સાથે વર્ષ 2014માં લગ્ન કર્યા હતા. બંનેની મુલાકાત વર્ષ 2010માં યેલ યુનિવર્સિટીમાં થઈ હતી. ઉષા અને જેડીના ત્રણ બાળકો છે. ઈવાન, વિવેક અને મીરાબેલ ઉષાના માતા-પિતા ભારતથી અમેરિકા જઈને વસ્યા હતા. ઉષા સેન ડિયાગોમાં ઉછરી છે. ઉષાનું બેકગ્રાઉન્ડ પોતાના પતિથી ઘણું અલગ હતું. ઉષાએ યેલમાંથી ગ્રેજ્યુએશનનો અભ્યાસ પૂર્ણ કર્યો અને પછી કેમ્બ્રિજ યુનિવર્સિટીમાંથી માસ્ટર ડિગ્રી. તે સુપ્રીમ કોર્ટના ચીફ જસ્ટિસ જોન રોબર્ટ્સ કી ક્લાર્ક તરીકે પણ કામ કરી ચૂક્યા છે. હાલ ઉષા વકીલાત કરી રહ્યા છે. જેડી વેન્સ અનેકવાર પત્ની ઉષાના વખાણ કરતા રહે છે અને તેઓ તેને 'આધ્યાત્મિક ગુર' પણ જણાવે છે. ગયા મહિને ફોક્સ ન્યૂઝને આપેલા એક ઈન્ટરવ્યુમાં ઉષાએ કહ્યું હતું - મને જેડી પર વિશ્વાસ છે અને હું તેમને ખૂબ પ્રેમ કરું છું. આપણે જોઈએ છીએ કે આપણા જીવનમાં શું થાય છે. સીએનએનના અહેવાલ મુજબ, જેડી વેન્સે ઉષા વિશે લખ્યું હતું કે, "તે એવા પ્રશ્નોને સમજે છે જેની મને ખબર પણ નથી." ઉષા હંમેશાં મને એવી તક લેવાનું કહે છે જેના અસ્તિત્વ વિશે મને જાણ પણ નથી હોતી.'' જેડી વેન્સે કહ્યું- લોકોને ખ્યાલ નથી કે ઉષા કેટલી અદ્ભુત છે. ઉષા એક હજાર પાનાનું પુસ્તક થોડા કલાકોમાં પૂરું કરી શકે છે. ટ્રમ્પ પર જેડી વેન્સના જૂના નિવેદન
જેડી વેન્સ હવે ભલે રાષ્ટ્રપતિ ચૂંટણીની રેસમાં ટ્રમ્પના સાથી બની ગયા છે, પરંતુ પહેલા તેઓ ટ્રમ્પની ખૂબ જ આલોચના કરતા હતા. જેની ઝલક તમે જેડી વેન્સના આ નિવેદનોમાં જોઈ શકો છો. આવી વાતો જેડી વેન્સે પોતાના અનેક ઇન્ટરવ્યૂ અને ટ્વિટર પર વર્ષ 2016માં કરી હતી. આ તે સમય હતો જ્યારે લેખક જેડી વેન્સે 'હિલબિલી એલિગી' નામના તેમના સંસ્મરણો પ્રકાશિત કર્યા પછી ખ્યાતિ મેળવી હતી. જેડી વેન્સ દ્વારા લખાયેલ બેસ્ટ સેલર 'હિલબિલી એલિજી' પુસ્તક પર પણ એક ફિલ્મ બની છે. આ ફિલ્મ નેટફ્લિક્સ પર ઉપલબ્ધ છે. જેડી વેન્સે 2016માં ફેસબુક પર એક સહયોગીને એક ખાનગી સંદેશમાં કહ્યું: "મને લાગે છે કે ટ્રમ્પ પાગલ છે *** અથવા તે અમેરિકાનો હિટલર છે." પરંતુ આ નિવેદનોના થોડા વર્ષો બાદ જ જેડી વેન્સ ટ્રમ્પના સાથી બની ગયા. જેડી વેન્સ ઓહિયોથી પ્રથમ સેનેટર બન્યા. એક રીતે એવું કહી શકાય કે જેડી વેન્સ 2028ની રાષ્ટ્રપતિની ચૂંટણીમાં રિપબ્લિકન પાર્ટીના ઉમેદવાર બનવાની યાદીમાં સામેલ થઈ ગયા છે. પરંપરાગત મતદાન રેકોર્ડ અને મધ્યપશ્ચિમ મૂળ એટલે કે ઉત્તર મધ્ય પ્રદેશને કારણે રિપબ્લિકન પાર્ટીને આશા છે કે મતદાનમાં સમર્થન વધશે. જેડી વેન્સ વિશે કહી શકાય કે પરિવર્તન તેની આદતોમાંથી એક છે. સવાલ એ છે કે જેડી વેન્સ અમેરિકન રાજકારણમાં આટલી ઊંચાઈએ કેવી રીતે પહોંચ્યા? એ પુસ્તક, જેણે જેડી વેન્સને પ્રખ્યાત કર્યા
જેમ્સ ડેવિડ બોમેન ઉર્ફે જેડી વેન્સનો જન્મ ઓહિયોમાં થયો હતો. જેડી નાના હતા ત્યારે તેમના પિતાએ ઘર છોડી દીધું હતું. જેડીનો ઉછેર તેમના દાદા અને દાદી દ્વારા થયો હતો. જેડી તેમને માતા અને પિતા કહીને બોલાવતા હતા. તેમના 2016ના સંસ્મરણો 'હિલબિલી એલિગી'માં, જેડી વેન્સે તેમના દાદા અને દાદી વિશે ખૂબ જ સંવેદનશીલતા સાથે લખ્યું હતું. જેડી વેન્સ મિડલટાઉન, ઓહિયોના છે. પરંતુ તેઓ પોતાના પરિવારનું મૂળ એપાલાચિયાના પર્વતીય પ્રદેશમાં જણાવે છે. આ અમેરિકાના સૌથી ગરીબ વિસ્તારોમાંનો એક છે. આ સંસ્મરણમાં જેડી વેન્સે પોતાના મિત્રો અને પરિવાર માટે લીધેલા ખરાબ નિર્ણયો વિશે લખ્યું છે. જેડી વેન્સે પણ રૂઢિચુસ્ત વલણ અપનાવ્યું હતું. વેન્સે આ લોકોને સરકારી સહાય પર નિર્ભર, વ્યર્થ અને નિષ્ક્રિય ગણાવ્યા હતા. વેલ્સે લખ્યું છે કે એપાલાચિયાના લોકો ખરાબ પરિસ્થિતિમાં ખરાબ વર્તન કરે છે અથવા પ્રતિક્રિયા આપે છે. આ લોકો એવી સંસ્કૃતિમાંથી આવ્યા છે જે પરિસ્થિતિનો સામનો કરવાને બદલે તેનાથી અંતર વધારવાનો આગ્રહ રાખે છે. પુસ્તકમાં વેન્સે લખ્યું- સત્ય કડવું હોય છે અને પહાડી લોકો માટે સૌથી કઠોર સત્ય તે છે, જે તેમણે પોતાને કહેવું જોઈએ. આ પુસ્તકે વેન્સને નવા સ્તર પર ઓળખ આપી છે. આ પુસ્તક હવે બેસ્ટ સેલર બની ગઈ છે. પુસ્તકના આવતા પહેલાં જેડી વેન્સ મિડિલ ટાઉનમાંથી બહાર આવી ચૂક્યા હતા. પહેલાં યૂએસ મરીન, પછી ઇરાકમાં તૈનાતી. પછી ઓહાયો સ્ટેટ યુનિવર્સિટી અને યેલ લો સ્કૂલ. પછીના દિવસોમાં જેડી વેન્સ કેલિફોર્નિયામાં રોકાણકારની નોકરી કરવા લાગ્યા લેખકમાંથી આલોચકની સફર
'હિલબિલી એલિગી' પુસ્તકને કારણે જેડી વેન્સ સૌથી વધુ વેચાતા લેખકોમાંના એક બન્યા સાથે જ, તેઓ કોમેન્ટેટર તરીકે પણ કાર્યક્રમોમાં આમંત્રિત થવા લાગ્યા હતા. જેડી વેન્સ પાસેથી આ કાર્યક્રમોમાં આશા રાખવામાં આવતી હતી કે તેઓ ટ્રમ્પના વાઇટ અને વર્કિંગ ક્લાસ વોટર્સ પર કહેલી વાતો પર ટિપ્પણી આપી. ત્યારે જેડી વેન્સ ટ્રમ્પની આલોચનાની કોઈપણ તક ગુમાવતા નહોતા. ઓક્ટોબર 2016ના એક ઇન્ટરવ્યૂમાં જેડી વેન્સે કહ્યું હતું- મને લાગે છે કે આ ચૂંટણીની નકારાત્મક અસર થઈ રહી છે. ખાસ કરીને વાઇટ વર્કિંગ ક્લાસ પર. વેન્સે કહ્યું હતું- બની એવું રહ્યું હતું કે લોકોને એકબીજા પર આંગણી ઉઠાવવાનું બહાનું મળી જતું હતું. ક્યારેક મેક્સિકન શરણાર્થીઓ તરફથી, ક્યારેક ચીની વેપાર અને ક્યારેય કોઈ અન્ય તરફથી. રાજનીતિમાં કેવી રીતે આવ્યા વેન્સ
2017માં વેન્સ ઓહાયો પાછા ફર્યા અને એક કંપનીમાં કામ કરવાનું શરૂ કર્યું. જેડી વેન્સના રાજકારણમાં પ્રવેશવાની વાતો ઘણા સમયથી ચાલી રહી હતી. પરંતુ આ વાસ્તવિકતા ત્યારે બની જ્યારે ઓહિયોના રિપબ્લિકન સેનેટર રોબ પોર્ટમેને 2022 માં ફરીથી ચૂંટણી નહીં લડવાનું નક્કી કર્યું.

આ પ્રકારના તમામ સમાચાર માટેે App ડાઉનલોડ કરો.