સોહેલ અને સિકંદરના ઝઘડામાં અસ્મિત પટેલ ધોવાઈ ગયો:એક્ટરે કહ્યું, ‘નાઈટ ક્લબમાં બન્ને વચ્ચેનો ઝઘડો બંધ કરાવવા ગયો અને મને માર પડ્યો’

અભિનેત્રી અમીષા પટેલનો ભાઈ અસ્મિત પટેલ આ દિવસોમાં પોતાના નિવેદનોને લઈને ચર્ચામાં છે. ક્યારેક અભિનેતા રિયા સેન સાથે MMS લીક થવાની ઘટના પર સ્પષ્ટતા આપી રહ્યો છે, તો ક્યારેક તે મલ્લિકા શેરાવતનું ગળું દબાવવાની ઘટના વિશે વાત કરી રહ્યો છે. અભિનેતાએ તાજેતરમાં એક ઇન્ટરવ્યૂ દરમિયાન સલમાન ખાનના ભાઈ સોહેલ ખાન અને અનુપમ ખેરના પુત્ર સિકંદર ખેર વચ્ચેના ઝઘડાનો ખુલાસો કર્યો હતો. અસ્મિત પટેલે કહ્યું, 'એકવાર સોહેલ ખાન અને સિકંદર ખેર નાઈટ ક્લબમાં કોઈ મુદ્દે એકબીજા સાથે લડ્યા હતા. તેમની લડાઈ બંધ કરાવવાનો પ્રયત્ન કરતી વખતે મારે તે બંનેના મુક્કા સહન કરવા પડ્યા. હું બંનેને અલગ કરતો હતો. સિકંદરે મને ધક્કો માર્યો અને કહ્યું કેમ દખલ કરી રહ્યા છો? હું તેને બચાવવાનો પ્રયત્ન કરી રહ્યો હતો.' અસ્મિત પટેલે કહ્યું, 'જ્યારે સિકંદરે મારા પર હાથ ઉપાડ્યો ત્યારે મેં પણ તેના પર હાથ ઉઠાવ્યો. આ કારણે હજુ પણ મારાથી નારાજ છે. જ્યારે હું એ લડાઈમાં સામેલ નહોતો. હું સિકંદરને ત્યાંથી બહાર લાવવાનો પ્રયાસ કરી રહ્યો હતો, જેથી લડાઈ શાંત થઈ શકે.'

આ પ્રકારના તમામ સમાચાર માટેે App ડાઉનલોડ કરો.