ઇઝરાયલ અને ઈરાન વચ્ચે આજે કયામતની રાત:ફ્લાઇટ રદ, યુદ્ધ કાફલો રવાના થયો, મધ્ય પૂર્વમાં યુદ્ધના અણસાર; હિઝબુલ્લાહે ઇઝરાયલ પર 30 સેકન્ડમાં 30 રોકેટ ઝીંક્યાં

હિઝબુલ્લાહના આતંકવાદીઓએ લેબેનોનથી રવિવારે રાત્રે લગભગ 30 રોકેટ ઉત્તર ઈઝરાયલ પર છોડ્યાં હતાં, જેના કારણે થોડા સમય માટે આકાશનો રંગ બદલાઈને કેસરી થઈ ગયો હતો. ઈઝરાયલી આર્મી (IDF)એ સોમવારે જણાવ્યું હતું કે રોકેટ ખુલ્લા વિસ્તારોમાં પડ્યા હતા. આને કારણે કોઈનું મૃત્યુ થયું નથી. IDFએ X પર પોસ્ટ કરી
IDFના જણાવ્યા અનુસાર, રોકેટ લેબેનોનના વિસ્તારમાંથી ઉત્તરી ઈઝરાયલના કાબારી વિસ્તારમાં પ્રવેશ્યાં હતાં. હુમલાના જવાબમાં ઈઝરાયલની સેના લેબેનોનના એવા વિસ્તારો પર હુમલો કરી રહી છે, જ્યાંથી રોકેટ છોડવામાં આવ્યાં હતાં. IDFએ X પર પોસ્ટ કરી લખ્યું કે છેલ્લા એક કલાકમાં દેશના ઉત્તરમાં સક્રિય કરાયેલું એલર્ટ ઉપરાંત લગભગ 30 લોન્ચ શોધવામાં આવ્યા છે. તેઓ લેબેનોનથી કાબારી વિસ્તારમાં આવ્યા હતા. કોઈ જાનહાનિ થઈ ન હતી. IDFએ ગોળીબારના સ્ત્રોતો પર હુમલો કર્યો. હિઝબુલ્લાહએ રોકેટ હુમલાની જવાબદારી લીધી છે. એમાં કહેવામાં આવ્યું છે કે ઈઝરાયલના સૈન્ય મથકને નિશાન બનાવવામાં આવ્યું હતું. અમેરિકાએ ગાઈડેડ મિસાઈલ સબમરીન તહેનાત કરી
ઈઝરાયલ પર હિઝબુલ્લાહના હુમલા બાદ યુએસ સંરક્ષણ સચિવ લોઇડ ઓસ્ટિને મધ્ય-પૂર્વમાં માર્ગદર્શિત મિસાઇલ સબમરીન તહેનાત કરવાની જાહેરાત કરી હતી. પેન્ટાગોન દ્વારા આ વાતની પુષ્ટિ કરવામાં આવી છે. અમેરિકાએ ઈઝરાયલની મદદ માટે બે યુદ્ધ જહાજ અને એક સબમરીન મોકલી છે. સેક્રેટરી ઓસ્ટિને અબ્રાહમ લિંકન સ્ટ્રાઈક ગ્રુપને મધ્ય-પૂર્વમાં તેની જમાવટને વેગ આપવા માટે નિર્દેશ આપ્યો છે. મધ્ય-પૂર્વમાં ચાલી રહેલો તણાવ વધ્યો
તમને જણાવી દઈએ કે તાજેતરમાં જ ઈરાનની રાજધાની તેહરાનમાં હમાસના રાજકીય વડા ઈસ્માઈલ હાનિયેહની હત્યા કરવામાં આવી હતી. ઈરાને આ માટે ઈઝરાયલને જવાબદાર ઠેરવ્યું છે અને બદલો લેવાની પ્રતિજ્ઞા લીધી છે. ત્યારથી ગાઝા યુદ્ધના કારણે મધ્ય-પૂર્વમાં ચાલી રહેલો તણાવ ઘણો વધી ગયો

આ પ્રકારના તમામ સમાચાર માટેે App ડાઉનલોડ કરો.