સાકરિયા મહિલા કૉલેજ, બોટાદનું ગૌરવ
મહારાજા કૃષ્ણકુમારસિંહજી ભાવનગર યુનિવર્સિટી દ્વારા આયોજિત આંતર કોલેજ જુડો સ્પર્ધા નું આયોજન સિદસર સ્પોર્ટસ કોમ્પલેક્ષ ખાતે તારીખ ૦૯/૦૮/૨૪ નાં રોજ કરવામાં આવેલ. જેમાં બોટાદની શ્રી વી એમ સાકરિયા મહિલા કોલેજે આ વર્ષે પણ ઉત્કૃષ્ટ દેખાવ કરી સમગ્ર ભાવનગર યુનિવર્સિટીમાં પ્રથમ દ્વિતીય અને તૃતીય સ્થાન પ્રાપ્ત કરી ૪ બહેનો આંતર યુનિવર્સિટી માટે પસંદગી પામેલ છે.
આ જુડો સ્પર્ધામાં-૪૫ કિલો વજનની કેટેગરીમાં ઘાઘરેટીયા ચેતના પ્રથમ, -૫૨ કિલોમાં મકવાણા કાજલ પ્રથમ અને ગાબુ પીનલ દ્વિતીય, -૫૭ મા ધોરીયા રેણુકા પ્રથમ, -૬૩ માં દહઇત હેમલત્તા દ્વિતીય અને બારડ રાજેશ્વરીબા તૃતિય, -૭૦ માં સોલંકી ટીયા તૃતિય, -૭૮ માં આલ અંજલી પ્રથમ અને ચાવડા ભૂમિ તૃતીય સ્થાન પ્રાપ્ત કરેલ છે. આ જુડો સ્પર્ધામાં પ્રથમ સ્થાન પ્રાપ્ત કરેલ બહેનો ઘાઘરેટીયા ચેતના, મકવાણા કાજલ, ધોરિયા રેણુકા અને આલ અંજલી ટૂંક સમયમાં આંતર યુનિવર્સિટીની સ્પર્ધામાં ભાગ લેવા જશે. આમ, સમગ્ર એમ કે ભાવનગર યુનિવર્સિટીની સ્પર્ધામાં શ્રી વી એમ સાકરીયા આર્ટ્સ એન્ડ કોમર્સ કોલેજ બોટાદને ગૌરવ અપાવવા બદલ કોચ શ્રી કિરણભાઈ મોરી, શારીરિક શિક્ષણ વિભાગના પ્રો. ડૉ
રેખાબા એન પરમાર તથા કોલેજના પ્રિ ડૉ શારદાબેન પટેલે શુભેચ્છાઓ સાથે અભિનંદન પાઠવેલ છે.
આ પ્રકારના તમામ સમાચાર માટેે
App ડાઉનલોડ કરો.