અર્જુન રામપાલનું X એકાઉન્ટ હેક:કહ્યું, ‘આ સારા સમાચાર નથી, કોઈપણ મેસેજ કે ટ્વીટનો જવાબ ન આપો’

'ધાકડ', 'ડેડી', 'ક્રેક' જેવી ફિલ્મોમાં જોવા મળેલા અભિનેતા અર્જુન રામપાલે તાજેતરમાં સોશિયલ મીડિયા દ્વારા જણાવ્યું હતું કે તેનું એક્સ એકાઉન્ટ (અગાઉ ટ્વિટર) હેક થઈ ગયું છે. અર્જુને તેને ખરાબ સમાચાર ગણાવ્યા છે. પોતાના ઓફિશિયલ ઈન્સ્ટાગ્રામ એકાઉન્ટ પર આ જાણકારી આપતા અર્જુન રામપાલે લખ્યું, 'આ સારા સમાચાર નથી. મારું X એકાઉન્ટ હેક કરવામાં આવ્યું છે. મહેરબાની કરીને કોઈપણ ટ્વીટ કે મેસેજનો જવાબ આપશો નહીં. એ નોંધનીય છે કે, અર્જુન રામપાલ સોશિયલ મીડિયા પર ખૂબ જ એક્ટિવ રહે છે. અભિનેતા સોશિયલ મીડિયા પર ઓલિમ્પિકમાં જઈ રહેલા ભારતીય ખેલાડીઓને સતત પ્રોત્સાહિત કરી રહ્યો હતો. તેણે છેલ્લે 9 ઓગસ્ટના રોજ તેના X એકાઉન્ટમાંથી પોસ્ટ કર્યું હતું, જેમાં તેણે એથલીટ નીરજ ચોપરાને ભાલા ફેંકમાં સિલ્વર જીતવા બદલ અભિનંદન આપ્યા હતા. તેણે લખ્યું હતું કે, 'અમેઝિંગ નીરજ ચોપરા. આ ઓલિમ્પિકમાં ભારત માટે હાઇએસ્ટ મેડલ. આગામી ઓલિમ્પિકમાં તમે વિશ્વ અને ઓલિમ્પિક રેકોર્ડ તોડશો. અમને ગર્વ અનુભવવાની તક આપવા બદલ આભાર. આ સિવાય અર્જુન રામપાલે ઓલિમ્પિકમાં બ્રોન્ઝ મેડલ જીતવા પર હોકી ટીમને અભિનંદન પાઠવ્યા હતા. અર્જુન રામપાલ વર્ષોથી હિટ ફિલ્મોની શોધમાં છે
મહત્ત્વનું છે કે, અર્જુન રામપાલ લાંબા સમયથી કોઈ મોટી હિટ ફિલ્મનો હિસ્સો નથી. વર્ષ 2023માં અર્જુન કંગના રનૌતની ફિલ્મ 'ધાકડ'માં વિલન તરીકે જોવા મળ્યો હતો. આ ફિલ્મ બોક્સ ઓફિસ પર ખરાબ રીતે ફ્લોપ રહી હતી. આ પછી, અભિનેતા વિદ્યુત જામવાલ સાથે આ વર્ષે રિલીઝ થયેલી ફિલ્મ 'ક્રેક'માં જોવા મળ્યો હતો. આ ફિલ્મ પણ બોક્સ ઓફિસ પર કંઈ ખાસ કમાલ કરી શકી નથી. અર્જુન પાસે ઘણી ફિલ્મો છે
અર્જુન રામપાલ ટૂંક સમયમાં ફિલ્મ ધ 'બેટલ ઓફ ભીમા કોરેગાંવ'માં જોવા મળશે. ફિલ્મ તૈયાર છે, જોકે તેની રિલીઝ ડેટ હજુ જાહેર કરવામાં આવી નથી. આ સિવાય તેની પાસે 'મંકી', 'નાસ્તિક' અને 'ધૂરંધર' જેવી ફિલ્મો પણ છે. ફિલ્મો ઉપરાંત અર્જુન નેટફ્લિક્સ સિરીઝ 'રાણા નાયડૂ'માં પણ જોવા મળશે. ફિલ્મી કરિયરની વાત કરીએ તો મોડલિંગમાં સફળતા હાંસલ કર્યા બાદ અર્જુન રામપાલે 2001માં આવેલી ફિલ્મ 'પ્યાર ઈશ્ક ઔર મોહબ્બત'થી પોતાની એક્ટિંગ કરિયરની શરૂઆત કરી હતી. અભિનેતા 'દિલ હૈ તુમ્હારા', 'દિલ કા રિશ્તા', 'યકીન', 'હમકો તુમસે પ્યાર હૈ', 'રોક ઓન', 'હાઉસફુલ', 'રાજનીતિ' જેવી શાનદાર ફિલ્મોમાં જોવા મળ્યો છે.

આ પ્રકારના તમામ સમાચાર માટેે App ડાઉનલોડ કરો.