ગઢડા મુકામે વિનામૂલ્ય બાળકો માટે સુવર્ણ પ્રાસન કેમ્પનો પ્રારંભ

ગઢડા મુકામે વિનામૂલ્ય બાળકો માટે સુવર્ણ પ્રાસન કેમ્પનો પ્રારંભ

આત્રેય આયુર્વેદ ગઢડા મુકામે વિનામૂલ્ય બાળકો માટે સુવર્ણ પ્રાસન કેમ્પનો પ્રારંભ કરવામાં આવ્યો ગઢડા મુકામે આત્રેય આયુર્વેદ ક્લિનિક અને પંચકર્મ સેન્ટર ખાતે જાયન્ટ્સ ગ્રુપ ઓફ ગઢડા, પતંજલિ યોગ સમિતિ ગઢડા અને આત્રેય આયુર્વેદના સંયુક્ત ઉપક્રમે આજ તા. 23/7/2023 ને રવિવારથી બાળકો માટે સુવર્ણ પ્રાશન કેમ્પ નો પ્રારંભ થયો હતો.આ કેમ્પમાં બાળકોને આયુર્વેદિક જડીબુટ્ટી અને સુવર્ણયુક્ત યોગથી તૈયાર કરાયેલા સ્ટાન્ડર્ડ કંપનીના સુવર્ણ પ્રાસન ડ્રોપ્સ મંત્રોચ્ચાર સાથે પીવડાવવામાં આવ્યા હતા.આ કેમ્પમાં ગઢડા કેળવણી સમાજના પ્રમુખ સંજયભાઈ ઠાકર,જાયન્ટ્સ ગ્રુપના હરેશભાઈ અંબાસણા,વિપુલભાઈ રાજ્યગુરુ તથા પતંજલિ યોગ સમિતિના સભ્યો પ્રાગજીભાઈ ગોટી,પ્રેમજીભાઈ હિહોરિયા,ઠાકરશીભાઈ ભીમાણી અને આત્રેય આયુર્વેદના વૈદ્ય ડોક્ટર હિતાર્થ ઠાકર ઉપસ્થિત રહ્યા હતા.અત્રે એ નોંધનીય છે કે આ કેમ્પ અધિકમાસ તથા શ્રાવણ માસના પ્રત્યેક રવિવારે સવારે ૮ થી ૧૨ સુધી એમ બે માસ માટે ચાલશે.જેમાં ૬ માસથી લઈને 12 વર્ષ સુધીના બાળકોને તદ્દન ફ્રી ઓફ ચાર્જમાં સુવર્ણ પ્રાસનના ડ્રોપ્સ પીવડાવવામાં આવશે.

રિપોર્ટ નિકુંજ ચૌહાણ બોટાદ

આ પ્રકારના તમામ સમાચાર માટેે App ડાઉનલોડ કરો.