વડોદરા: નજીવી બાબતે ઉશ્કેરાયેલા શખ્સે ત્રણ વ્યક્તિ ઉપર કાચની બોટલ ફોડી

વડોદરા,તા.16 ઓગષ્ટ 2022,મંગળવારવડોદરા શહેરના સન ફાર્મા રોડ ઉપર આવેલ વિનાયક હાઉસિંગ વુડાના આવાસો ખાતે નજીવી બાબતે ઉશ્કેરાયેલા શખ્સે ત્રણ વ્યક્તિને કાચની બોટલ ફટકારી ઈજા પહોંચાડી હોવાની ઘટના સામે આવી છે. શહેરના સનફાર્મા રોડ ઉપર આવેલ વિનાયક હાઉસિંગ વુડા ખાતે રહેતા અને ફાર્મા કંપનીમાં નોકરી કરતા રોહિત પરમારએ ફરિયાદમાં જણાવ્યું હતું કે, મકાનની સામે રહેતો વિષ્ણુએ મારી માતાને ધક્કો માર્યો હતો. જેથી તેને ઠપકો આપતા તેણે મને લાફો ઝીંકી દીધો હતો. દરમિયાન વિષ્ણુએ તેના ઘરમાંથી કાચની બોટલ લાવી મારા માથાના ભાગે મારતા ઇજા પહોંચી હતી. લોહીથી લથપથ હાલતમાં હું ઢળી પડતા મને ગડદાપાટુનો માર માર્યો હતો. ત્યારબાદ હોસ્પિટલમાં હું સારવાર હેઠળ હતો તે સમયે જાણવા મળ્યું હતું કે, સોસાયટીમાં જ રહેતા મહેશભાઈ તથા શૈલેષભાઈ સાથે પણ વિષ્ણુએ ઝઘડો કરી કાચની બોટલ મારી ઇજા પહોંચાડી હતી. જેથી ઇજાગ્રસ્ત ત્રણેય શખ્સોએ વિષ્ણુ કેસી વિરુદ્ધ જેપી રોડ પોલીસ મથકે ફરિયાદ નોંધાવી હતી.  

આ પ્રકારના તમામ સમાચાર માટેે App ડાઉનલોડ કરો.