એમ્બ્યુલન્સકર્મીએ પતિ અને ભાઈની સામે મહિલાની છેડતી કરી:બળાત્કાર કરવાનો પ્રયાસ કર્યો, પતિનો ઓક્સિજન માસ્ક કાઢી નાખ્યો; એમ્બ્યુલન્સમાંથી નીચે ઉતારીને ભાગી ગયા

યુપીના બસ્તી જિલ્લાના કેન્ટોનમેન્ટ પોલીસ સ્ટેશન વિસ્તારમાં એમ્બ્યુલન્સ ડ્રાઈવરે પાછળની સીટ પર બેઠેલી મહિલાને આગળની સીટ પર બેસવા માટે દબાણ કર્યું હતું. મહિલા ડ્રાઈવરના કહેવા પર સંમત થઈ અને આગળની સીટ પર બેસી ગઈ. તેની પાછળ તેનો પતિ એમ્બ્યુલન્સમાં જીવન અને મોતની લડાઈ લડી રહ્યો હતો. મહિલાનો નાનો ભાઈ પણ તેના પતિ સાથે હતો. ડ્રાઇવરે મહિલાને કહ્યું હતું કે જો પોલીસ રસ્તામાં મળશે તો તેઓ રોકે નહીં, તેથી આગળ આવીને બેસી જાઓ. જ્યારે તે આગળ બેઠી ત્યારે ડ્રાઈવર અને તેનો સાથી મહિલાની છેડતી કરવા લાગ્યા હતા. 28 ઓગસ્ટના રોજ સિદ્ધાર્થનગર બંસી કોતવાલી વિસ્તારના એક ગામની એક મહિલાએ તેના બીમાર પતિને લખનૌના ઈન્દિરા નગરની એક ખાનગી હોસ્પિટલમાં દાખલ કર્યા હતા. સારવાર માટે પૈસા ન હોવાના કારણે બીજા દિવસે મહિલાએ ડોક્ટરને પોતાની સમસ્યા જણાવી અને પતિને રજા આપવા કહ્યું. આ બાબતે હોસ્પિટલે ખાનગી એમ્બ્યુલન્સનો નંબર આપ્યો હતો. તેણે તે નંબર પર ફોન કર્યો અને તેના પતિ અને 17 વર્ષના ભાઈ સાથે સાંજે 6.30 કલાકે એમ્બ્યુલન્સમાં ઘરે જવા રવાના થઈ હતી. ભાઈએ બહેનની ચીસોનો અવાજ સાંભળ્યો
પાછળ બેઠેલા ભાઈએ આગળની સીટ પર બેઠેલી બહેનની ચીસોનો અવાજ સાંભળ્યો. જ્યારે તેને લાગ્યું કે તેની બહેન સાથે કંઈક ખોટું થઈ રહ્યું છે, ત્યારે તેણે પણ હુમો પાડી. એમ્બ્યુલન્સ ડ્રાઈવર અને તેના સાથીઓએ લગભગ 150 કિલોમીટર સુધી મહિલા સાથે શરમજનક કૃત્ય કરી રહ્યા હતા. .લગભગ 11.30 વાગ્યે એમ્બ્યુલન્સ ડ્રાઈવરે બસ્તી જિલ્લાના કેન્ટોનમેન્ટ વિસ્તારમાં ગાડી રોકી દીધી હતી. આ પછી મહિલાના ભાઈને આગળની સીટ પર બેસાડી અંદરથી બંધ કરી દીધો અને બહારથી મહિલા પર બળાત્કાર કરવાનો પ્રયાસ કર્યો. જ્યારે તેઓ નિષ્ફળ ગયા, ત્યારે તેઓએ મહિલાના પતિનો ઓક્સિજન માસ્ક કાઢી નાખ્યો અને તેને એમ્બ્યુલન્સમાંથી નીચે ઉતારીને જમીન પર પછાડી દીધા હતા. આ પછી, તેઓએ મહિલા સાથે મારા મારી કરી, તેના દાગીના, રોકડ અને મોબાઈલ ફોન લઈ લીધા અને તેના ભાઈને પણ એમ્બ્યુલન્સમાંથી નીચે ઉતારીને ભાગી ગયા. ભાઈએ 112 અને 108 પર ફોન કરીને જાણ કરી
મહિલાના ભાઈએ ડાયલ 112 અને 108 પર ફોન કરીને ઘટનાની જાણ કરી હતી. થોડીવારમાં બંને પહોંચી ગયા. આ પછી મહિલાના પતિની ગંભીર હાલત જોઈને તેને પહેલા હોસ્પિટલ લઈ જવાનો નિર્ણય કર્યો. પતિને તાત્કાલિક એમ્બ્યુલન્સ દ્વારા બસ્તી જિલ્લા હોસ્પિટલમાં લઈ જવામાં આવ્યો હતો, પરંતુ ત્યાં તેની સ્થિતિમાં સુધારો ન થતાં શુક્રવારે તેને ગોરખપુર રિફર કરવામાં આવ્યો હતો. મહિલાના પતિનું ગોરખપુર પહોંચતા પહેલા જ નિધન થયું હતું. કેન્ટોનમેન્ટ પોલીસે મહિલાને ફરિયાદ માટે લખનઉ જવાનું કહ્યું
પીડિતાએ જણાવ્યું કે તેણે રવિવારે બસ્તીના કેન્ટોનમેન્ટ પોલીસ સ્ટેશનમાં ફરિયાદ નોંધાવવાનો પ્રયાસ કર્યો, પરંતુ પોલીસકર્મીઓએ આ મામલો લખનૌનો હોવાનું જણાવીને તેને લખનૌમાં જ ફરિયાદ નોંધાવવા કહ્યું. આ અંગે મહિલાએ લખનૌના ગાઝીપુર પોલીસ સ્ટેશનમાં ફરિયાદ નોંધાવી હતી. ગાઝીપુર કોતવાલી પ્રભારી વિકાસ રાયનું કહેવું છે કે મામલાની તપાસ કરવામાં આવશે. એસપીએ કહ્યું: 112ના કોલ રેકોર્ડમાં આવી કોઈ ઘટનાનો ઉલ્લેખ નથી
પોલીસ અધિક્ષક ગોપાલ કૃષ્ણ ચૌધરીએ જણાવ્યું કે મહિલાનો ભાઈ તેની બહેન અને ભાભી સાથે એક ખાનગી એમ્બ્યુલન્સમાં લખનઉથી સિદ્ધાર્થનગર જવા રવાના થયો હતો. તેના જીજા લખનૌની ખાનગી હોસ્પિટલમાં સારવાર હેઠળ હતા. જ્યારે તેઓ જનપદ બસ્તીના કેન્ટોન્મેન્ટ પોલીસ સ્ટેશન પહોંચ્યા ત્યારે થોડો વિવાદ થયો અને એમ્બ્યુલન્સના લોકોએ તેમને નીચે ઉતારી મુક્યા હતા. તેમણે પોલીસને ફોન કરતાં પોલીસ તાત્કાલિક ઘટનાસ્થળે પહોંચી ગઈ હતી. તેઓને 108 અને 112 દ્વારા સીએચસી હરૈયા ખાતે લઈ જવામાં આવ્યા હતા. તેમણે સ્થળ પર આવી કોઈ ઘટના વિશે જણાવ્યું ન હતું કે 112ના કોલ રેકોર્ડમાં પણ આવી કોઈ ઘટનાનો ઉલ્લેખ કરવામાં આવ્યો ન હતો.

આ પ્રકારના તમામ સમાચાર માટેે App ડાઉનલોડ કરો.