ઈન્ડસ્ટ્રીમાં અક્ષય કુમાર સાથે છેતરપિંડી થઇ હતી:એક્ટરે કહ્યું,’કેટલાક નિર્માતાઓએ પૈસા ચૂકવ્યા નથી, તેમની સાથે વાત નથી કરતો’

સતત ફ્લોપ ફિલ્મોને કારણે અક્ષય કુમાર તેની કારકિર્દીના ખરાબ તબક્કામાંથી પસાર થઈ રહ્યો છે. તેની તાજેતરની રિલીઝ થયેલી ફિલ્મ 'સરફિરા' પણ બોક્સ ઓફિસ પર ખાસ કમાલ કરી શકી નથી. દરમિયાન, અક્ષય કુમારે એક ઇન્ટરવ્યુ દરમિયાન તેની સાથે થયેલી છેતરપિંડી વિશે વાત કરી. તેણે કહ્યું કે કેટલાક નિર્માતાઓએ પેમેન્ટ આપ્યું નથી. તેણે એ પણ જણાવ્યું કે તે પછી શું કરે છે. ફિલ્મ 'સરાફિરા'ના પ્રમોશન દરમિયાન અક્ષય કુમારે એક ઈન્ટરવ્યુમાં પોતાની સાથે થયેલી છેતરપિંડી વિશે વાત કરી હતી. ઈન્ટરવ્યુ દરમિયાન જ્યારે અક્ષય કુમારને પૂછવામાં આવ્યું કે શું ઈન્ડસ્ટ્રીમાં કોઈએ છેતરપિંડી કરી છે? અભિનેતાએ કોઈનું નામ લીધા વિના કહ્યું - એક કે બે નિર્માતાઓએ ફી ચૂકવી નથી. આ માત્ર છેતરપિંડી છે. હું તેમની સાથે વાત કરતો નથી. અક્ષયની નવી ફિલ્મ 'સરફિરા' હાલમાં જ રીલિઝ થઈ છે. આ ફિલ્મ પણ સફળ રહી ન હતી. સતત ફ્લોપ ફિલ્મોને લઈને અક્ષય કુમારે ફોર્બ્સ ઈન્ડિયા સાથેની વાતચીતમાં કહ્યું - દરેક ફિલ્મ પાછળ ઘણી મહેનત હોય છે. કોઈ પણ ફિલ્મ ફેલ થતી જોવાનું દુઃખ છે. પરંતુ દરેક નિષ્ફળતા તમને કંઈક શીખવે છે. 'સરફિરા' પછી અક્ષય કુમાર 'સિંઘમ અગેઇન'ની રિલીઝની તૈયારી કરી રહ્યો છે. નિર્દેશક રોહિત શેટ્ટીની આ ફિલ્મમાં અજય દેવગન, રણવીર સિંહ અને અક્ષય કુમારની ત્રિપુટી સાથે દીપિકા પાદુકોણ, કરીના કપૂર, ટાઈગર શ્રોફ અને અર્જુન કપૂર પણ જોવા મળશે. આ સિવાય અક્ષય કુમાર આ વર્ષે 'સ્કાય ફોર્સ' અને 'ખેલ ખેલ મેં'માં પણ જોવા મળશે.

આ પ્રકારના તમામ સમાચાર માટેે App ડાઉનલોડ કરો.