રેસકોર્સમાં 27મીથી હનુમાન ચાલીસા યુવા કથા યોજાશે

15 આકર્ષક ફ્લોટ, 1000 બાઈક, હાથી-ઘોડા સાથે 2 કિ.મી. લાંબી પોથીયાત્રા નીકળશે.

સાળંગપુરધામના વિદ્વાન સંત અને વક્તા હરિપ્રકાશદાસજી સ્વામી ભાવિકોને કથાનું રસપાન કરાવશે.

ભારતમાં પહેલી વખત કષ્ટભંજનદેવ હનુમાનજી મંદિર સાળંગપુરધામ દ્વારા આગામી તારીખ 27 ડિસેમ્બરથી 1 જાન્યુઆરી સુધી રાજકોટના રેસકોર્સ મેદાનમાં હનુમાન ચાલીસા યુવા કથાનું ભવ્ય આયોજન કરવામાં આવ્યું છે. આ કથામાં દરરોજ રાત્રે 8.30થી 11.30 કલાક દરમિયાન સાળંગપુરધામના વિદ્વાન વક્તા હરિપ્રકાશદાસજી સ્વામી તેમની આગવી શૈલીમાં કથાનું રસપાન કરાવશે.આ કથાના પ્રારંભ અગાઉ 24મીએ શનિવારે સાંજે 5 કલાકે રાજકોટના અલગ અલગ 10થી વધુ સ્થળેથી એક જ સમયે 1000થી વધુ બાઈક સાથે રેલીનો પ્રારંભ થશે અને કથા સ્થળે રેસકોર્સમાં પૂર્ણ થશે.

આ પ્રકારના તમામ સમાચાર માટેે App ડાઉનલોડ કરો.