આગ્રામાં એરફોર્સનું મિગ-29 પ્લેન ક્રેશ થયું, VIDEO:ગ્વાલિયરથી ઉડાન ભરી હતી, જમીન પર પડતાં જ આગ ફાટી નીકળી; બંને પાઇલટે ખેતરમાં કૂદીને જીવ બચાવ્યો

સોમવારે આગ્રામાં વાયુસેનાનું મિગ-29 વિમાન ક્રેશ થઈ ગયું. ટેક ઓફ કરતી વખતે પ્લેનમાં આગ ફાટી નીકળી. જોતજોતાંમાં વિમાન આગનો ગોળો બનીને ખેતરમાં પડ્યું. વિમાન જમીન પર પડવાની સાથે જ વિસ્ફોટ પણ થવા લાગ્યા. દુર્ઘટના સમયે વિમાનમાં બે પાઇલટ હતા. આગ લાગવાની થોડીક સેકન્ડ પહેલાં જ બંનેએ ખેતરમાં કૂદી ગયા હતા. વિમાન કાગારૌલના સોંગા ગામ પાસે એક ખાલી ખેતરમાં પડ્યું છે. એરફોર્સે પ્લેન ક્રેશની તપાસના આદેશ આપ્યા છે. કહેવામાં આવી રહ્યું છે કે આ પ્લેન આગ્રાના ખેડિયા એરસ્ટ્રિપથી ટેકઓફ થયું હતું, જોકે આ વાતની સત્તાવાર પુષ્ટિ થઈ નથી. અકસ્માતની જાણ થતાં જ ગ્રામજનોએ પોલીસ અને ફાયરબ્રિગેડને જાણ કરી હતી. આ પછી વાયુસેનાના અધિકારીઓ, ડીએમ અને પોલીસ સ્થળ પર જવા રવાના થઈ છે. અત્યારે પ્લેન જ્યાં પડ્યું છે ત્યાં નજીકના ગ્રામીણો એકઠા થયા છે. આ વિમાન રૂટિન એક્સર્સાઇઝ માટે ગ્વાલિયરથી આગ્રા જઈ રહ્યું હતું. અકસ્માતનો કોર્ટ ઓફ ઈન્ક્વાયરીનો આદેશ આપવામાં આવ્યો છે. પ્લેન ક્રેશની તસવીરો... દુર્ઘટના બાદ વિમાનમાં વિસ્ફોટ થયા
ફાઈટર જેટ ખેતરોમાં પડ્યું હતું. ત્યાં સુધીમાં ગામના લોકો પણ ઘટનાસ્થળે દોડી આવ્યા હતા. તેઓ મદદ માટે બૂમો પાડી રહ્યા હતા. આ દરમિયાન પ્લેનમાં વિસ્ફોટ થવા લાગ્યા. ગામના લોકો પોતાને બચાવવા બૂમો પાડતા ભાગી રહ્યા હતા. પાઇલટ 2 કિમી દૂર પડ્યા
પ્લેનમાં આગ લાગ્યા બાદ પાઇલટે બચાવવાનો ભરપૂર પ્રયાસ કર્યો હતો. પાઇલટે પેરાશૂટની મદદથી કૂદી ગયા. તેઓ અકસ્માત સ્થળથી લગભગ 2 કિમી દૂર પડ્યા. તેમને મેડિકલ ચેકઅપ માટે લઈ જવામાં આવ્યા છે. પ્લેનના પાર્ટ્સ લગભગ 1 કિમી વિસ્તારમાં ખેતરમાં પડ્યા
વિમાન દુર્ઘટના પછી વિમાનના ભાગો લગભગ 1KMની ત્રિજ્યામાં ખેતરોમાં ફેલાયેલા જોવા મળ્યા હતા. તેમાં પાઇલટનું પેરાશૂટ પણ હતું. ગામના લોકોએ આ ભાગોને સુરક્ષિત કર્યા છે. પોલીસ અને એરફોર્સ આ ભાગોને પોતાના નિયંત્રણમાં લઈ રહ્યા છે. હવે કેવી રીતે થયો વિમાન અકસ્માત? આ અંગે ટેકનિકલ ખામીઓ હોવાનું કહેવાય છે. જો કે, કોઈ સત્તાવાર નિવેદન આવ્યું નથી. 2 મહિના પહેલાં બાડમેરમાં ફાઇટર પ્લેન મિગ-29 ક્રેશ થયું હતું બાડમેરમાં ઉત્તરલાઈ એરબેઝ પાસે ફાઈટર પ્લેન ક્રેશ થયું છે. ફાઈટર પ્લેનમાં 2 પાઈલટ હતા. તે બંને ક્રેશ પહેલાં બહાર નીકળી ગયા હતા. મળતી માહિતી મુજબ રાત્રે ફાઈટર પ્લેન નિવાસી ધાનીથી દૂર ક્રેશ થયું હતું. પ્લેન ક્રેશ થયા બાદ જોરદાર વિસ્ફોટ અને આગ લાગી હતી. ઘટનાની માહિતી મળ્યા બાદ બાડમેરના કલેક્ટર નિશાંત જૈન, એસપી નરેન્દ્ર સિંહ મીણા અને જિલ્લાના વહીવટી અધિકારીઓ ઘટનાસ્થળે પહોંચ્યા હતા. (વાંચો સંપૂર્ણ ન્યૂઝ..) રાજસ્થાનમાં અગાઉ પણ અનેક વિમાન અકસ્માતો થયા છે 1. જેસલમેરમાં તેજસ ફાઈટર જેટ ક્રેશ થયું
તેજસ ફાઈટર જેટ લગભગ 5 મહિના પહેલાં જેસલમેરમાં ક્રેશ થયું હતું. 12 માર્ચ, 2024ના રોજ એ જેસલમેર શહેરથી 2 કિમી દૂર જવાહરનગર સ્થિત ભીલ સમુદાયની હોસ્ટેલ પર પડ્યું હતું. તેજસ ક્રેશની આ પ્રથમ ઘટના હતી. ઘટના સમયે હોસ્ટેલના રૂમમાં કોઈ ન હોવાથી વધારે નુકસાન થયું ન હતું. આ દુર્ઘટના પોકરણમાં ચાલી રહેલી કસરત સ્થળથી લગભગ 100 કિલોમીટર દૂર જેસલમેરમાં થઈ હતી. આ કાર્યક્રમમાં વડાપ્રધાન નરેન્દ્ર મોદી, રક્ષામંત્રી રાજનાથ સિંહ અને સેનાના વરિષ્ઠ અધિકારીઓ હાજર રહ્યા હતા. 2. એરફોર્સ રિકોનિસન્સ પ્લેન ક્રેશ થયું હતું
લગભગ 4 મહિના પહેલાં ભારતીય વાયુસેનાનું એક જાસૂસી વિમાન જેસલમેરથી 30 કિમી દૂર ક્રેશ થયું હતું. 25 એપ્રિલ, 2024ના રોજ સવારે લગભગ 10 વાગ્યે, રિકોનિસન્સ એરક્રાફ્ટ પીઠાલા-જજિયા ગામ નજીક ભોજાની કી ધાણી પાસે પડી ગયું હતું. અકસ્માતમાં કોઈ નુકસાન થયું ન હતું. આ UAV વિમાન માનવરહિત હતું અને એનો ઉપયોગ સરહદી વિસ્તારમાં થઈ રહેલી ગતિવિધિઓ પર નજર રાખવા માટે કરવામાં આવ્યો હતો. એ સતત ફરતું હતું અને સરહદી વિસ્તાર પર નજર રાખતું હતું. આ પહેલાં પણ ટેક્નિકલ ખામીના કારણે આ યાન ક્રેશ થઈ ચૂક્યું છે. 3. હનુમાનગઢમાં એરફોર્સનું મિગ-21 ક્રેશ, 3 મહિલાનાં મોત
8 મે 2023 ના રોજ સવારે લગભગ પોણા દસ વાગ્યે હનુમાનગઢમાં મિગ-21 ફાઇટર જેટ ક્રેશ થયું હતું. ફાઈટર જેટ બહલોલનગર વિસ્તારમાં એક મકાન પર પડ્યું હતું. આ ઘરમાં રહેતી ત્રણ મહિલાનાં મોત થયાં હતાં, જ્યારે પાઇલટ સુરતગઢ એરબેઝથી લગભગ 25 કિલોમીટર દૂર સુરક્ષિત મળી આવ્યો હતો. વાયુસેના અનુસાર, 'મિગ-21 ટ્રેનિંગ ફ્લાઇટ પર હતું. 4. ગ્વાલિયરમાં ફાઈટર પ્લેન ટકરાયાં, એક ભરતપુરમાં પડ્યું
27 જાન્યુઆરી, 2023ના રોજ ગ્વાલિયર (મધ્યપ્રદેશ) નજીક વાયુસેનાનાં બે ફાઇટર પ્લેન સુખોઇ-30 અને મિરાજ-2000 ટકરાયાં હતાં. ભરતપુરના પિંગોરા રેલવે સ્ટેશનથી માત્ર 1 કિલોમીટર દૂર એક ફાઈટર પ્લેન મેદાનમાં પડ્યું હતું. ફાઈટર પ્લેન એટલા ટુકડાઓમાં વહેંચાઈ ગયું હતું કે અધિકારીઓ પણ જાણી શક્યા નહોતા કે આ કયા પ્લેનના ભાગો છે. આ દુર્ઘટનામાં બંને સુખોઈ પાઈલટ સુરક્ષિત રીતે બચી ગયા હતા, પરંતુ મિરાજના પાઈલટનું મોત થયું હતું.

આ પ્રકારના તમામ સમાચાર માટેે App ડાઉનલોડ કરો.