યુનિવર્સિટી રોડ પર ગેરેજમાં ચાલતી દારૂની મહેફીલ માણતાં પાંચ શખ્સો ઝડપાયા

યુનિવર્સિટી રોડ પર ધર્મેશ ઓટો ગેરેજમાં ચાલતી દારૂની મહેફીલમાં એલસીબી ઝોન-2ની ટીમે દરોડો પાડી રંગમાં ભંગ પાડયો હતો.પોલીસે ગેરેજ સંચાલક સહીત પાંચ શખ્સોને પકડી દારૂની બોટલ તેમજ બાઈટીંગ કબ્જે કરી દારૂની સપ્લાય કરનાર કુલદિપસિંહ જાડેજા નામના શખ્સને પણ દબોચી લીધો હતો. દરોડાની વિગત મુજબ એલસીબી ઝોન-2ના પીએસઆઈ આર.એચ.ઝાલા ટીમ પેટ્રોલીંગમાં હતી. ત્યારે સાથેના હેડ કોન્સ્ટેબલ વિજુભા જાડેજા અને કોન્સ્ટેબલ જેન્તીગીરી ગોસ્વામીને મળેલ ચોકકસ બાતમીના આધારે યુનિવર્સિટી રોડ પર મીચીસ રેસ્ટોરન્ટની સામે ધર્મેશ ઓટો ગેરેજમાં દારૂની મહેફીલ ચાલે છે.
તેવી બાતમીના આધારે ટીમે દરોડો પાડી દારૂની મહેફીલ માણતા ગેરેજ સંચાલક ધર્મેશ પ્રકાશચંદ્ર રાવલ (રહે.યુનિવર્સિટી કર્મચારી સોસાયટી બ્લોક નં.21) મહેશ લુણસી કનાલા (રહે.મોચીનગર શેરી નં.6) વિશાલ ધનશ્યામ ગરણીયા (રહે.શીવશકિત કોલોની યુનિ.રોડ) કમલેશ નરેશ સવસાણી (રહે.આસો પાલવ રેસીડેન્સી, રેલનગર)અને મંથન મનોહર સોનાગરા (રહે.અંજતા પાર્ક, સોસાયટી યુનિ.રોડ)ને પકડી 60 એનએલ ભરેલ દારૂની બોટલ તેમજ મગદાળ અને શીંગ સહીતના બાઈટીંગ સાથે દબોચી પુછતાછ હાથ ધરતાં દારૂની બોટલ કુલદિપસિંહ જાડેજા નામનો શખ્સ આપી ગયો હોવાની કબુલાત આપી હતી.એલસીબી ઝોન-2 સી ટીમે નજીકમાંથી 4 સપ્લાયર કુલદિપસિંહ નરેન્દ્રસિંહ જાડેજા (રહે.યોગેશ્ર્વર પાર્ક શેરીનં.3, યુરી.રોડ)ને પણ દબોચી તેની પાસેથી દારૂની 1 બોટલ કબ્જે કરી અલગથી ગુનો નોંધી કાર્યવાહી હાથ ધરી હતીં.

આ પ્રકારના તમામ સમાચાર માટેે App ડાઉનલોડ કરો.