આમિરે દીકરાની ડેબ્યૂ ફિલ્મની સક્સેસ પાર્ટી આપી:’મહારાજ’ ફિલ્મની સ્ટાર કાસ્ટ સાથે પરિવારના સભ્યો પણ જોડાયા, જુઓ તસવીરો

આમિર ખાને હાલમાં પોતાના ઘરે પુત્ર જુનૈદની ડેબ્યૂ ફિલ્મ 'મહારાજ'ની સક્સેસ પાર્ટીનું આયોજન કર્યું હતું. આ પ્રસંગે ફિલ્મની સ્ટાર કાસ્ટમાંથી એક્ટ્રેસ શાલિની પાંડે તેની બહેન અને જયદીપ અહલાવત તેની પત્ની સાથે પહોંચી હતી. પાર્ટીમાં સામેલ થયેલા ઘણા લોકોએ સોશિયલ મીડિયા પર અંદરની તસવીરો શેર કરી છે. આ તસવીરોમાં જુનૈદ ખાન પણ જોવા મળી રહ્યો છે. જુનૈદ આમિર અને તેની પૂર્વ પત્ની રીના દત્તાનો પુત્ર છે. પાર્ટીના અંદરના ફોટામાં રીના પણ જોવા મળી હતી. આમિરના પરિવાર સાથે જોડાયેલા ઘણા લોકો પહોંચ્યા હતા
આ સિવાય પાર્ટીમાં આમિર પરિવારની દીકરી ઇરા ખાન તેના પતિ નુપુર શિખરે અને સાસુ સાથે જોવા મળી હતી. આમિરના ભત્રીજા ઈમરાન ખાન પણ પાર્ટીમાં સામેલ થયા હતા. આમિરની માતા ઝીનત હુસૈન અને તેનો નાનો પુત્ર આઝાદ રાવ પણ અહીં જોવા મળ્યો હતો. રાજકુમાર સંતોષીની પુત્રી તનિષા સંતોષી પણ અહીં હાજર હતી. 'મહારાજ' જૂનમાં રિલીઝ થઈ હતી
ફિલ્મ 'મહારાજ' 21 જૂનના રોજ નેટફ્લિક્સ પર રિલીઝ થઈ હતી. આ ફિલ્મ 1862ના પ્રખ્યાત મહારાજ માનહાનિ કેસ અને આ કેસ પર આધારિત સૌરભ શાહની નવલકથા પર આધારિત છે. આ સાથે આમિરના પુત્ર જુનૈદે એક્ટિંગમાં ડેબ્યુ કર્યું છે.

આ પ્રકારના તમામ સમાચાર માટેે App ડાઉનલોડ કરો.