કાળાસર ગામમાં વાડામાંથી 587 દારૂની બોટલ નો જથ્થો ઝડપાયો

કાળાસર ગામમાં વાડામાંથી દારૂની 587 બોટલ સાથે ખેડૂતને પોલીસે ઝડપી રૂ. 1.03 લાખનો મુદ્દામાલ કબ્જે કરી આરોપીની પૂછતાછ હાથ ધરી હતી. જસદણ પોલીસ મથકના પીઆઈ ટી.બી.જાનીની રાહબરીમાં ટીમ પેટ્રોલિંગમાં હતી ત્યારે કોન્સ્ટેબલ અશોક ભોજાણીને કાળાસર ગામમાં માધવીપુર જવાના રસ્તે રહેતા વિશાલ શામજી વાસાણી પોતાના રહેણાક મકાને ઇંગ્લીશ દારૂનો જથ્થો રાખી વેચાણ કરે છે તેવી ચોક્કસ બાતમીના આધારે સ્ટાફે કાળાસર ગામમાં માધવીપુર જવાના રસ્તે આવેલ મકાનમાં દરોડો પાડી મકાન માલિક વિશાલ વાસાણી (ઉ.વ.25) ની અટકાયત કરી મકાનની પાછળ આવેલ ઢોર બાંધવાના વાડામાં તપાસ કરતા ખાખી ક્લરના ખોખામાં જુદી-જુદી બ્રાન્ડની ઇંગ્લીશ દારૂની 587 બોટલો મળી આવી હતી. પોલીસે રૂ.1.03 લાખનો મુદ્દામાલ કબ્જે કરી મકાન માલિકની ધરપકડ કરી દારૂનો જથ્થો ક્યાંથી લાવ્યો તે અંગે પૂછપરછ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.