બાઈકને અન્ય બાઈકે ટક્કર માર્યા બાદ સિટી બસે અડફેટે લેતાં યુવાનનું મોત

- રીંગરોડ આદર્શ માર્કેટ પાસે
વિચિત્ર અકસ્માત- બાઇકની ટક્કરથી બે ભાઇ અને ભાણેજ રોડ પર પટકાયા બાદ કિશન
પટેલ સિટી બસની અડફટે ચઢતા મોત,
પત્ની ગર્ભવતી છે સુરત : રીંગરોડ પર આજે સવારે વિચિત્ર અકસ્માત સર્જાયો
હતો. જોકે  એક બાઇક ત્રણ સવારી નોકરી જતી
વખતે બાઈકને અન્ય બાઈકે ટક્કર મારતા ત્રણે નીચે પટકાયા હતા. જેમાં  ત્યાંથી પસાર થતી સિટી બસે એક યુવાનું અડફેટે
લેતા ઘટના સ્થળે મોત નિપજ્યું હતું. જ્યારે બે યુવાનને સામાન્ય ઈજા થઈ હતી. સ્મીમેર હોસ્પિટલથી મળેલી વિગત મુજબ માન દરવાજા
ખાતે હીરામની ચાલમાં રહેતો ૨૮ વર્ષીય કિશન મોહન પટેલ પોતાના નાના ભાઈ રવિ અને
તેમનો ભાણેજ મેહુલ પટેલ (ઉ.વ-૨૩,
રહે- પાંડેસરા) આજે સોમવારે સવારે રાબેતા મુજબ એક બાઇક પર સવાર થઇને
કતારગામ ખાતે હીરાના કારખાનામાં નોકરીઓ જવા નીકળ્યા હતા. તે સમયે રીંગરોડ પર આદર્શ
માર્કેટ પાસે તેમની બાઇકને અન્ય બાઇકે ટક્કર મારી હતી. જેથી ત્રણે જણા નીચે પટકાયા
હતા. ત્યારે ત્યાંથી પસાર થઇ રહેલી સિટી બસના ચાલકે કિશનને અડફેટે લીધો હતો. જેમાં
કિશને ગંભીર ઇજા થતા ઘટના સ્થળે જ કમકમાટી ભર્યું મોત નિપજ્યું હતું. કિશનના ૧૦
મહિના પહેલા લગ્ન થયા હતા. હાલ તેની પત્ની ગર્ભવતી છે.

જ્યારે
તેનો નાનો ભાઈ રવિ  અને ભાણેજ મેહુલ
સામાન્ય ઈજા થઇ હોવાનું સુત્રો કહ્યુ હતુ. અકસ્માતને પગલે રિંગરોડ પર વાહન ચાલકો
સહિત મોટી સંખ્યામાં લોકોનું ટોળું એકત્ર થઈ ગયું હતું. આ અંગે સલાબતપુરા પોલીસે
જાણ થતા ઘટના સ્થળે પહોંચીને કાર્યવાહી હાથ ધરી હતી. 

આ પ્રકારના તમામ સમાચાર માટેે App ડાઉનલોડ કરો.